الماتىنىڭ رەفەرەندۋم ۋچاسكەلەرىندە ادامداردىڭ قاراسى كوپ. داۋىس بەرۋگە كەلگەن ازاماتتاردىڭ اراسىندا الەۋمەتتىك جەلىدە مىڭداعان وقىرمانى بار تانىمال بلوگەرلەر مەن تيكتوكەرلەر بار، دەپ حابارلايدى aqshamnews.kz.
مەگاپوليستەگى №101 رەفەرەندۋم ۋچاسكەسىندە اكتەر ءارى بلوگەر ەلامان ەسەنتايەۆ داۋىس بەردى. ول ەل بولاشاعى ءۇشىن ماڭىزدى ماسەلەدە ءار ازاماتتىڭ داۋىسى ماڭىزدى ەكەنىن ايتتى.
- رەفەرەندۋم – حالىقتىڭ سەنىمىن ارتتىرۋعا جانە اەس سالۋ تۋرالى شەشىمنىڭ ءادىل ءارى اشىق قابىلدانۋىن قامتاماسىز ەتۋگە مۇمكىندىك بەرەدى. اەس ماسەلەسىنە قاتىستى رەفەرەندۋم وتكىزۋ – حالىقتىڭ داۋسىنا قۇلاق اسۋ ءۇشىن جاسالعان دۇرىس قادام. مۇنداي̆ شەشىمدەر قابىلداۋدا تەك ۇكىمەت ەمەس، ەل ازاماتتارىنىڭ دا كوزقاراسى ەسكەرىلۋى ءتيىس دەپ ساناي̆مىن. ءاربىر ازاماتتىڭ پىكىرى ماڭىزدى، ءاربىر داۋىس ەلدىڭ بولاشاعىنا ىقپال ەتەتىن شەشىمدەرگە اسەر ەتەدى، - دەدى ول.
ال قازاق تىلىندە ساباق بەرەتىن قوعام بەلسەندىسى، بلوگەر الينا كان رەفەرەندۋم ۋچاسكەلەرىندەگى اشىقتىق پەن ادىلدىكتى باسا ايتىپ ءوتتى.
- رەفەرەندۋم ادال ءوتىپ جاتىر. قانشاما ازاماتتار مەن ازاماتشالار ءالى دە داۋىس بەرۋگە كەلىپ جاتىر. بۇگىن ەلىمىزدىڭ بولاشاعى انىقتالۋدا. حالىق دۇرىس جاقتى تاندادى دەگەن ويدامىن، - دەدى الينا كان.
الماتىنىڭ №621 رەفەرەندۋم ۋچاسكەسىندە العاشقىلاردىڭ ءبىرى بولىپ داۋىس بەرۋگە بارعان بلوگەر ديانا توقتار بۇل ونىڭ ازاماتتىق پارىزى ەكەنىن ايتتى. ال «Jas Live» جوباسىنىڭ جەتەكشىسى، اكتەر، بلوگەر مەيىرجان كەلەمەدەنوۆ رەفەرەندۋمعا قاتىسۋ ارقىلى، ەل بولاشاعىنا ۇلەس قوسقانىن اتاپ ءوتتى. ول قالاداعى №108 ۋچاسكەدە ءوز تاڭداۋىن جاسادى.
- بۇگىن رەفەرەندۋمعا قاتىسىپ، ءوز داۋىسىمدى بەردىم. بۇل ماڭىزدى قادام، ويتكەنى ەلىمىزدىڭ بولاشاعىنا ءوز ۇلەسىمدى قوسقىم كەلدى. اسىرەسە، اەس قۇرىلىسى سەكىلدى ماڭىزدى ماسەلە تالقىلانىپ جاتقاندا، ەلىمىزدىڭ بولاشاعىنا بەي-جاي قاراماي قاتىسۋىم ازاماتتىق بورىشىم دەپ بىلەمىن. بۇل شەشىم كەلەشەك ۇرپاق ءۇشىن قاجەت دەپ سانايمىن، - دەدى مەيىرجان كەلەمەدەنوۆ.
الماتىدا داۋىس بەرگەن بلوگەر- تيكتوكەرلەردىڭ قاتارىندا بەكزات سۇلتان مەن دامير مۇتاشوۆ بار. بەكزات سۇلتان رەفەرەندۋم ارقىلى حالىقتىڭ ساياسي مادەنيەتى قالىپتاسىپ جاتقانىن ايتسا، ەكىنشىسى بۇل ناۋقان ءار ادامعا ءوز ويىن بىلدىرۋگە مۇمكىندىك بەرگەنىن مالىمدەدى.
«قازاقستان كۆن وداعىنىڭ» الماتى فيليالىنىڭ ديرەكتورى، بلوگەر وڭداسىن قۇلىمبەتوۆ تا بۇگىنگى رەفەرەندۋم تۋرالى ءوز ويىن ءبىلدىردى.
- مەنىڭشە، سۇراق – اەس قاجەت نە قاجەت ەمەس دەگەن ماسەلەدە تۇرعان جوق. اتوم ەلەكتر ستانساسىنىڭ قاجەت ەكەنى بارىمىزگە بەلگىلى. سەبەبى ءقازىر الەم جاسىل ەنەرگياعا ۇمتىلىپ جاتىر. بۇگىنگى باستى ماسەلە – قاۋىپسىزدىگى. سوندىقتان بۇگىن بەلسەندى ازامات رەتىندە داۋىس بەرىپ، كەيىن وڭ شەشىم شىقسا، ونىڭ قاۋىپسىزدىگىنە بايلانىستى سۇراقتاردى قوعام بولىپ قاداعالاۋ كەرەك دەپ ويلايمىن، - دەپ اتاپ ءوتتى ول.