بۇل وتىنىمدەردىڭ سوماسى 1118،6 ملن تەڭگەگە جەتىپ وتىر.
الماتىدا بينەسى زارداپ شەككەن كاسىپكەرلەردىڭ ماقۇلدانعان وتىنىمدەرى كۇن سايىن ارتىپ كەلەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتىدا شاعىن جانە ورتا بيزنەس سۋبەكتىلەرىنە مۇلىكتىك زياندى انىقتاۋ جونىندەگى ايماقتىق كوميسسيانىڭ بۇگىنگى وتىرىسىندا كاسىپكەرلەردىڭ جالپى سوماسى 122،2 ملن تەڭگەگە 56 ءوتىنىمى ماقۇلداندى. ونىڭ ىشىندە 66،9 ملن تەڭگە سوماسىنا 30 ءوتىنىم بيۋدجەت قاراجاتى ەسەبىنەن، «جاڭا الاتاۋ» قايىرىمدىلىق قورىنىڭ قارجىسىنان 55،3 ملن تەڭگەگە 26 ءوتىنىم تولەندى. بۇل تۋرالى الماتى قالاسىنىڭ كاسىپكەرلىك جانە ينۆەستيسيالار باسقارماسىندا ءمالىم ەتتى.
«الماتى قالاسى بويىنشا كوميسسيا جۇمىسىن باستالعالى بەرى بارلىعى 1118،6 ملن تەڭگە سوماعا 601 ءوتىنىم ماقۇلداندى»، - دەپ حابارلادى باسقارمادا.
جالپى، الماتىدا كاسىپكەرلەردىڭ ماقۇلدانعان وتىنىمدەرى كۇن سايىن ارتىپ كەلە جاتقانىن بايقاۋعا بولادى. سەبەبى، وسىدان ەكى كۇن بۇرىن الماتىدا بيزنەسى زارداپ شەككەن 545 كاسىپكەردىڭ ءوتىنىشى ماقۇلدانعان ەدى. ال بۇگىندە 600-دەن استى.