ەكستراكورپورالدى ۇرىقتاندىرۋ باعدارلاماسى بويىنشا 2024 جىلعا 3241 كۆوتا ءبولىندى. بۇل تۋرالى «الەۋمەتتىك مەديسينالىق ساقتاندىرۋ قورى» كەاق الماتى فيليالى ديرەكتورى تىلەۋحان ابىلدايەۆ ايتتى، دەپ حابارلايدى اlmaty-akshamy.kz.
ونىڭ ايتۋىنشا، ءمامس اياسىندا حالىققا قولجەتىمدى بولعان قىزمەتتىڭ ءبىرى — ەكستراكورپورالدى ۇرىقتاندىرۋ نەمەسە ەكۇ پروسەدۋراسى.
«بيىل الماتىدا مىندەتتى الەۋمەتتىك مەديسينالىق ساقتاندىرۋ اياسىندا ەكۇ باعدارلاماسىنا 3،8 ملرد تەڭگە ءبولىندى. اتالعان سوماعا بارلىعى 3241 جاساندى ۇرىقتاندىرۋ پروسەدۋراسى جاسالۋى ءتيىس. بيىل وڭتۇستىك استانا بويىنشا مەديسينالىق ساقتاندىرۋ قورىمەن كەلىسىمشارت بەكىتكەن 8 كلينيكا جۇمىس ىستەيدى. ولاردىڭ ءتىزىمىن قوردىڭ fms.kz رەسمي سايتى ارقىلى تانىسۋعا بولادى»، — فيليال ديرەكتورى.
باعدارلاماعا ەرلى-زايىپتىلار عانا ەمەس، رەسمي نەكەگە تۇرماعان جۇپتار دا قاتىسا الادى. مۇنداي جاعدايدا ەكى جاقتىڭ ءوزارا جازباشا كەلىسىمى قاجەت.
«جاساندى ۇرىقتاندىرۋ باعدارلاماسى 2020 جىلدان بەرى مىندەتتى الەۋمەتتىك مەديسينالىق ساقتاندىرۋ پاكەتى ارقىلى قارجىلاندىرىلادى. باعدارلاماعا قاتىسقىسى كەلەتىن پاسيەنت مىندەتتى تۇردە ساقتاندىرىلعان بولۋى شارت»، — دەپ اتاپ ءوتتى تىلەۋحان ابىلدايەۆ.