بۇگىندە ولاردىڭ كەم دەگەندە 5 ءۇيدى توناعاندارى بەلگىلى بولدى
الماتىدا بىرنەشە پاتەر ۇرلىعىنا قاتىسى بار بۇرىن ءىستى بولعان ازاماتتار قولعا ءتۇستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
وڭاي ولجاعا قىزىعىپ تۇرعىنداردىڭ پاتەرلەرىن توناپ جۇرگەن قىلمىستىق توپتى جەدەل ۋاكىلدەر قىلمىس ۇستىندە ۇستادى. اتالعان ءىس-شارا دەميان بەدنىي كوشەسى بويىندا جۇزەگە اسىرىلدى.
«ەلىمىزدىڭ ءار وڭىرىنەن كەلگەن 33 جانە 29 جاستاعى بەس ازامات قۇرىقتالدى. ولاردىڭ 4-ەۋى بۇرىن بىرنەشە رەت توناۋ، زورلاۋ، ادام ۇرلاۋ، بۇزاقىلىق، كولىك ۇرلىعى سياقتى اۋىر قىلمىستار جاساعانى ءۇشىن ءىستى بولعاندارى بەلگىلى بولدى. الدىن الا انىقتالعانداي، جەدەل جانە ارنايى ءىس-شارالار بارىسىندا اتالعان بەستىك ەندى پاتەر توناۋعا كوشكەن سىڭايلى. كەزەكتى تۇرعىن ءۇيدى توناۋ بارىسىندا ولار قولعا ءتۇستى. قولدى بولعان زاتتار ايعاق زات رەتىندە تاركىلەندى. اتالعان قىلمىستىق توپ ىشىندە ۇرلاعان زاتتاردى ساتىپ الۋشى دا بولۋى مۇمكىن. مۇنىڭ بارلىعى تەرگەۋ امالدارى بارىسىندا انىقتالاتىن بولادى»، - دەپ مالىمدەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
پب باستىعىنىڭ مالىمەتىنشە، اتالعان توپ سوڭعى رەت الاتاۋ اۋدانى بايجانوۆ كوشەسىندە ورنالاسقان جەكە تۇرعىن ءۇيدى توناعان. بۇگىندە ولاردىڭ كەم دەگەندە 5 ءۇيدى توناعاندارى بەلگىلى بولدى.
سونىمەن قاتار، ق ر قپك-نىڭ 201-بابىنا سايكەس، وزگە اقپاراتتار تەرگەۋ مۇددەسىنە وراي جاريالاۋعا جاتپايتىنىن ەسكەرتەمىز.
ق ر قونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.