الماتىداعى كومپيۋتەرلىك كلۋبتاردا ۇرلىق جاساپ جۇرگەن كۇدىكتى قولعا ءتۇستى.
ءبىرقاتار ۇرلىق جاساعان قالا تۇرعىنى ۇستالدى. ول المالى اۋدانىندا كەمىندە 10 ۇرلىق جاسادى دەگەن كۇدىككە ىلىنگەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
پوليسيانىڭ مالىمەتىنشە، ەر ادام كومپيۋتەرلىك كلۋبتاردىڭ كليەنتى رەتىندە كەلىپ، تەلەفونداردى، ويىن پريستاۆكالارىن جانە ولارعا ارنالعان بولشەكتەردى جاسىرىن تۇردە ۇرلاعان. سونىمەن قاتار ول جاتاقحانالار مەن قوناقۇيلەردەن سىرت كيىم مەن اكىمشىلىككە تيەسىلى قاراجاتتى ۇرلاعان.
«جەدەل-ىزدەستىرۋ شارالارىنىڭ ناتيجەسىندە 30 جاستاعى كۇدىكتى ۇستالدى. ءبىرقاتار ۇرلىق دەرەگى بويىنشا قىلمىستىق ءىس تەرگەلۋدە. ۇستالعان ازامات ءوز كىناسىن مويىندادى. ونىڭ جەكە باسى بۇرىن جاسالعان وسىعان ۇقساس قىلمىستارعا قاتىسى بار-جوعىنا تەكسەرىلىپ جاتىر. ايتپاقشى، بۇرىن بۇل ازامات بىرنەشە رەت ۇرلىق پەن توناۋ جاساعانى ءۇشىن قىلمىستىق جاۋاپكەرشىلىككە تارتىلعان»، – دەيدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.