2030 جىلعا دەيىن الماتىدا 38 كوشە ۇزارتىلادى.
الماتىدا بىرنەشە كوشەنى ۇلكەن الماتى اينالما جولىنا دەيىن ۇزارتۋ ءۇشىن ۇلتتىق قوردان 8 ملرد تەڭگە ءبولىندى. بۇل تۋرالى الماتى وبلىستىق جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى سەرىك سامۇراتوۆ ءمالىم ەتتى، دەپ حابارلايدى Almaty-akshamy.kz.
«الماتىدا ساين، سولتۇستىك اينالما، رىسقۇلوۆ جانە اباي كوشەلەرىنىڭ قۇرىلىس-مونتاجداۋ جۇمىستارى باستالدى. بيىل بۇل ماقساتتارعا ۇلتتىق قوردان 8 ميلليارد تەڭگە ءبولىندى. ساين كوشەسىنە – 2،7 ملرد تەڭگە، رىسقۇلوۆ – 2 ملرد تەڭگە، اباي – 2 ملرد تەڭگە، سولتۇستىك ايالما جول – 1،3 ملرد تەڭگە»، - دەدى سەرىك سامۇراتوۆ بريفينگ بارىسىندا.
بۇعان دەيىن الماتى اكىمدىگى ەكى كوشەنىڭ ۇلكەن الماتى اينالما جولىنا دەيىن ۇزارتىلاتىنى تۋرالى ايتقان بولاتىن.
ن.تىلەندييەۆ كوشەسىن توعىز شاقىرىمعا، ال سولتۇستىك جارتى اينالما جولدى 1،2 شاقىرىمعا ۇزارتۋ كوزدەلگەن.
جالپى 2030 جىلعا دەيىن الماتىدا 38 كوشە ۇزاراتىلادى.
ساراپشىلار جاڭا كوشەلەردى ەكى كەزەڭدە سالۋدى ۇسىنىپ وتىر. كوشەلەردىڭ ءبىر بولىگى - 2025 جىلعا دەيىن، ال ەكىنشىسى - 2030 جىلعا دەيىن.