Almaty Theatre ساحناسىندا روزا باعلانوۆا اتىنداعى «قازاقكونسەرت» مەملەكەتتىك اكادەميالىق كونسەرتتىك ۇيىمىنىڭ «Birlik» ءانسامبلىنىڭ كونسەرتى ءوتتى.
مادەنيەت جانە اقپارات مينيسترلىگىنىڭ قولداۋىمەن ۇيىمداستىرىلعان گالا-كونسەرت قازاقستان حالقى اسسامبلەياسىنىڭ 30 جىلدىعىن مەرەكەلەۋ اياسىنداعى 2025 جىلدىڭ باستى وقيعالارىنىڭ ءبىرى بولدى، دەپ حابارلايدى aqshamnews.kz.
مادەنيەت جانە اقپارات مينيسترلىگى باسپا ءسوز قىزمەتىنىڭ مالىمەتىنشە، كونسەرتتىك باعدارلامادا قازاقستان، رەسەي، وزبەكستان جانە تاتارستاننىڭ تانىمال حورەوگرافتارىنىڭ قويىلىمدارى ۇسىنىلدى.
كونسەرتتى قازاقستان رەسپۋبليكاسىنىڭ مادەنيەت جانە اقپارات ءمينيسترى ايدا بالايەۆا، سونداي-اق مادەنيەت، ونەر جانە قوعام قايراتكەرلەرى تاماشالادى.ءىس-شاراعا روزا باعلانوۆا اتىنداعى «قازاقكونسەرت» مەملەكەتتىك اكادەميالىق كونسەرتتىك ۇيىمىنىڭ «استانا سازى» قازاق مەملەكەتتىك فولكلورلىق ءانسامبلى، قۇرمانعازى اتىنداعى قازاق ۇلتتىق كونسەرۆاتورياسى، رەسپۋبليكالىق مەملەكەتتىك اكادەميالىق كورەي مۋزىكالىق كومەديا تەاترى، پ.ي. چايكوۆسكيي اتىنداعى الماتى مۋزىكالىق كوللەدجىنىڭ «دوستلۋق» ۇيعىر حالىق اسپاپتار ءانسامبلى، «رۋحسارا» بي ۇجىمى، «ناۆا» ءانسامبلى جانە «باحار» كاۆكاز بي ءانسامبلى قاتىستى.
بەلگىلى ونەر شەبەرلەرى مەن جاس ورىنداۋشىلار جاپپاي جانە جەكە حورەوگرافيالىق كومپوزيسيالار، اسپاپتىق جانە ۆوكالدىق نومىرلەردى ورىندادى. ولاردىڭ قاتارىندا «كۇي شاشۋ» ءبيى، حالىق اندەرىنەن پوپۋرري، ۇيعىر، كورەي، تاتار بيلەرى جانە باسقا دا قويىلىمدار بولدى.
مادەنيەت جانە اقپارات مينيسترلىگىنىڭ اتىنان شىعارماشىلىق ۇجىمعا ىقىلاس گ ۇلى تارتۋ ەتىلدى.
ايتا كەتەيىك، «Birlik» ءانسامبلى 2024 جىلدىڭ 1 ناۋرىزىندا قۇرىلدى. بۇل – قازاقستان مەن تمد-داعى العاشقى كوپۇلتتى ءان مەن بي ءانسامبلى. ۇجىمنىڭ بىرەگەي رەپەرتۋارى قازاق حالقىنىڭ تاريحىمەن جانە تاۋەلسىز قازاقستاننىڭ قالىپتاسۋىمەن تىعىز بايلانىستى 130 ەتنوستىڭ مۋزىكالىق مۇراسى مەن ونەرىن قامتيدى.