الماتىعا العاشقى قار جاۋىپ، جۇرگىزۋشىلەر اۋرە-سارساڭعا ءتۇستى.
الماتى پوليسياسى جول قوزعالىسى قاتىسۋشىلارىنا ۇندەۋ جاسادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اۋا رايىنىڭ ناشارلاۋىنا بايلانىستى الماتىنىڭ ءتارتىپ ساقشىلارى جول قوزعالىسىنا قاتىسۋشىلاردى قاۋىپسىزدىك شارالارىن كۇشەيتۋگە شاقىرادى.
«بۇل ۇندەۋ ءقاۋىپتى قوزعالىس قۇرالىن باسقاراتىن قالا جۇرگىزۋشىلەرىنە ارنالعان. ءبىز ولاردى جول قوزعالىسى ەرەجەلەرىن قاتاڭ ساقتاۋعا، جۇرگىزۋشى مادەنيەتىن تانىتىپ، زەيىندىلىگىن ارتتىرۋعا شاقىرامىز. بۇل ۇندەۋ ءقازىر وتە وزەكتى جانە قالا جولدارىندا قايعىلى وقيعالاردى بولدىرماۋعا سەپتىگىن تيگىزەدى، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ. انىقتاما ءۇشىن: الماتى قالاسى پد جەدەل باسقارۋ ورتالىعىنىڭ جپقب كەزەكشى ءبولىمىنىڭ مالىمەتى بويىنشا 16 قاراشا تاڭعى ساعات 08:00-دەن 17 قاراشا تاڭعى ساعات 08:00-گە دەيىن الماتى قالاسىندا 136 جكو تىركەلدى، ونىڭ 26-سىندا زارداپ شەككەندەر بار. ادام شىعىنى جوق. – سونىمەن قاتار اۋا رايىنىڭ ناشارلاۋىنا جانە قار جاۋعانىنا، اۋا تەمپەراتۋراسىنىڭ مينۋس دەڭگەيگە دەيىن تومەندەۋىنە بايلانىستى، جول قاۋىپسىزدىگىن قامتاماسىز ەتۋ ماقساتىندا جۇرگىزۋشىلەر مەن كولىك يەلەرىنە كولىكتەرىنىڭ دوڭگەلەكتەرىن قىسقى مەزگىلگە ارنالعان دوڭگەلەكتەرگە اۋىستىرۋلارىن ۇسىنامىز»، – دەدى ۇزابايەۆ.