قالاداعى 207 جالپى ءبىلىم بەرەتىن مەكتەپتىڭ اۋماعىندا قوعامدىق ءتارتىپ پەن جول قاۋىپسىزدىگىن قامتاماسىز ەتۋگە 700-گە جۋىق پاترۋلدىك پوليسيا، يۋۆەنالدى پوليسيا جانە ۋچاسكەلىك ينسپەكتورلار جۇمىلدىرىلعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«وتكەن جىلداردىڭ تاجىريبەسىن ەسكەرە وتىرىپ، شتاب الدىن الا تالداۋ جۇرگىزىپ، جاڭا وقۋ جىلىنىڭ باستالۋىنا وراي ءىس-شارالارعا تارتىلاتىن كۇشتەر مەن قۇرالداردىڭ سايكەستىگىن بەكىتتى. تاڭعى ساعات 7-دەن باستاپ “قاربالاس ساعات” اياسىندا پاترۋلدىك پوليسيا ينسپەكتورلارى مەن مامانداندىرىلعان باتالون قالانىڭ نەگىزگى جولدارىندا قوزعالىستى قولمەن باسقارۋعا اۋىستىردى. 33 جول ايرىعىن قامتىدى. كەشكى ساعات 18:00-دەن 20 ساعات 40 مينۋتقا دەيىن كولىك كەپتەلىسىن بولدىرماۋ ءۇشىن جەكە قۇرام قولمەن باسقارۋعا قويىلادى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.