بۇگىن، 24 ماۋسىم، سەنبى – الماتىداعى شاڭعى ءترامپلينى اۋماعىندا Beu fest مۋزىكالىق فەستيۆالى ءوتىپ جاتىر دەپ حابارلايدى almaty-akshamy.kz.
«سۇڭقار» حالىقارالىق سپورت كەشەنىندە جاس مۋزىكانتتار مەن جاڭا جۇلدىزدار ءوز كورەرمەندەرىن جينادى.
شارانى «Beu Radio» الماتى قالاسى اكىمدىگىنىڭ قولداۋىمەن ۇيىمداستىرۋدا. جاس جانە جاڭا جۇلدىزداردىڭ ساحناسىنا Ninety One، ميراس جۇگىنىسوۆ، Dequine، Akha، Sadraddin، قازىبەك قۇرايىش، Sadraddin، كەنجەبەك، Ayree، ALPHA، Ayafunk، Ayau، Rusha، Taspay، Mona Songz، Orynkhan، Duman Marat، Sagdi، وntoğyzoneki جانە ت.ب. تالانتتى انشىلەر مەن مۋزىكالىق توپتار شاقىرىلعان.
الماتىلىق جاستاردىڭ كونسەرتتىك شاراسىنا قولداۋ كورسەتۋ ماقساتىندا قالا اكىمى ەربولات دوسايەۆ تا كورەرمەن رەتىندە قاتىستى.
Beu fest مۋزىكالىق فەستيۆالى بيىل ەكىنشى رەت وتكىزىلىپ وتىر. ول ءوزىنىڭ الماتىلىق جاس كورەرمەندەرىنە بەردەن تانىمال بولعان ساحنا رەتىندە دە بەلگىلى. كورەرمەندەرىنىڭ سانى مەن ىقىلاسى «سۇقار» كەشەنى ماڭىنداعى كولىك كەپتەلىسىنەن دە بايقالادى.
كونسەرتتىك شارا جايىنداعى سۇراعىمىزعا ۇيىمداستىرۋشى توپتىڭ مۇشەسى جاننۇر ايداربەكوۆا بىلاي دەدى: «بيىلعى فەستيۆالدىڭ ەرەكشەلىگى ۇلكەن ساحنانى ارمانداپ جۇرگەن جاس زاماناۋي مۋزىكانتتاردى شاقىردىق. ءبىزدىڭ Beu-FMء-نىڭ دە ماقساتى وسى جاستاردى قولداپ، ولاردىڭ كورەرمەندەرىمەن قاۋىشاتىن ساحنا ازىرلەۋ».
«Beu Radio» وكىلىنىڭ ايتۋىنشا الماتىلىق جاس كورەرمەندەردىڭ ىقىلاسى ايرىقشا. ولاردىڭ تالابىنان شىعۋ ءۇشىن دومبىرادا جانە قازاقتىڭ جاس انشىلەرىنىڭ شىعارمالارىن ورىنداپ جۇرگەن كورەيالىق سوڭ ۋون-سۋب (Song Won Sub) اتتى ونەرپازدى ارنايى شاقىرعان.