قالتا ۇرىلارىنان ساق بولىڭىزدار!
الماتىدا قالتا ۇرىسىنان بەس تەلەفون تاركىلەندى. پوليسيا قىزمەتكەرلەرى سمارتفون ۇرلادى دەگەن كۇدىكپەن ايەل ادامدى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«سولتۇستىك اينالما جولىنىڭ بويىنداعى الاتاۋ-2 بازارىندا قالتا ۇرلىعىمەن اينالىسقان ك. ەسىمدى ازاماتشا ۇستالدى. قىزدىڭ كۇرتەشەسىنىڭ قالتاسىنان Samsung تەلەفونىن شىعارىپ العان. جەدەل ىزدەستىرۋ ءىس-شارالارىنىڭ ناتيجەسىندە كۇدىكتى ۇستالدى. ۇستاۋ كەزىندە ودان بەس تەلەفون تاركىلەندى. ءقازىر تەرگەۋشىلەر ايەلدىڭ الماتىنىڭ باسقا دا اۋداندارىندا وسىعان ۇقساس قىلمىستارعا قاتىسى بار-جوعىن تەكسەرىپ جاتىر»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.