الماتىدا بەس ادامدى اتىپ ولتىرگەن يگور دۋجنوۆ ىسىنە قاتىستى ۇكىم شىقتى

الماتى سوتى يگور دۋجنوۆقا قاتىستى جازانى بەلگىلەپ، ۇكىم شىعاردى.

سوت يگور دۋجنوۆتى بەس ادامنىڭ ولىمىنە كىنالى دەپ تاپتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«ءومىر بويىنا باس بوستاندىعىنان ايىرۋ جازاسى تاعايىندالدى. توتەنشە قاۋىپسىزدىكتىڭ قىلمىستىق جۇيەسى مەكەمەسى دۋجنوۆتىڭ جازاسىن وتەۋ ورنى رەتىندە بەلگىلەندى»، - دەپ ۇكىم شىعاردى سۋديا.

بۇعان دەيىن پروكۋرور سوتتان يگور دۋجنوۆتى ءومىر بويىنا باس بوستاندىعىنان ايىرۋدى سۇراعان بولاتىن.

ەسكە سالايىق، بىلتىر 20 قىركۇيەك كۇنى الماتىدا جەكە ۇيلەردىڭ بىرىنە كەلگەن سوت ورىنداۋشىعا، ۋچاسكەلىك پوليسيا ينسپەكتورلارىنا ءۇي يەسى - 1967 جىلى تۋعان ازامات وق اتتى.

قىزمەت بارىسىندا بەس ادام، ونىڭ ىشىندە ەكى پوليسيا قىزمەتكەرى، وقتان جاراقات الىپ، كوز جۇمدى. قازا تاپقان پوليسەيلەردىڭ ءبىرىنىڭ ارتىندا 5، ەكىنشىسىندە 2 بالا قالدى. كەيىنىرەك جەكە سوت ورىنداۋشىلارىنىڭ پالاتاسى وقيعاعا قاتىستى تۇسىنىكتەمە بەردى.

«بانك سەنتركرەديت» اق ءىس بويىنشا قاجەتتى بارلىق قۇجات ۇسىنىلاتىنىن جانە زارداپ شەككەندەردىڭ تۋىستارىنا جان-جاقتى كومەك كورسەتىلەتىنىن جەتكىزدى.