الماتى قالاسىنىڭ اكىمدىگى حابارلاعانداي، بەلگىسىز ادامدار 30-دان استام جاس اعاش كوشەتتەرىن زاقىمداعان، دەپ حابارلايدى aqshamnews.kz
"2024 جىلدىڭ 12 تامىزىندا وسى وقيعا بويىنشا اۋەزوۆ اۋدانىنىڭ اكىمدىگى مەن پوليسيا باسقارماسىنىڭ قىزمەتكەرلەرى بىرلەسىپ، وقيعا ورنىنا باردى. تەكسەرۋ بارىسىندا 36 كوشەتتىڭ (كاتالپا - 15 دانا، اكاسيا - 8 دانا جانە شەتەن - 13 دانا) ءدىڭىنىڭ ورتاسىنان سىنعانى انىقتالدى. بۇل كوشەتتەردى اۋەزوۆ اۋداندىق اكىمدىگىمەن كەلىسىمشارت بويىنشا "ستامپ سەرۆيس" ج ش س كومپانياسى وتىرعىزعان. كومپانيا قىزمەتكەرلەرى كىنالى تۇلعالاردى انىقتاۋ ءۇشىن اۋەزوۆ اۋدانىنىڭ پوليسيا باسقارماسىنا ارىزبەن جۇگىندى"، - دەپ حابارلادى اكىمدىك.
سونداي-اق، پوليسيا قىزمەتكەرلەرى كۋاگەرلەردەن جاۋاپ الىپ، بەينەباقىلاۋ كامەرالارىنىڭ جازبالارىن زەرتتەپ جاتىر.
زاقىمدالعان اعاشتار ءومىر سۇرۋگە جارامسىز بولعاندىقتان، كۇزدە مەردىگەر ۇيىمنىڭ كۇشىمەن كوشەتتەردى اۋىستىرۋ جوسپارلانۋدا.
"ەگەر بۇزاقى انىقتالسا، قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 386-بابىنا سايكەس "جاسىل جەلەكتەردى ۇستاۋ جانە قورعاۋ ەرەجەلەرىن بۇزۋ" بويىنشا جەكە تۇلعالارعا 30، شاعىن كاسىپكەرلىك سۋبەكتىلەرى مەن كوممەرسيالىق ەمەس ۇيىمدارعا 60، ورتا كاسىپكەرلىك سۋبەكتىلەرىنە 100، ءىرى كاسىپكەرلىك سۋبەكتىلەرىنە 300 ايلىق ەسەپتىك كورسەتكىش مولشەرىندە ايىپپۇل سالىنادى"، - دەپ مالىمدەدى الماتى قالاسىنىڭ اكىمدىگى.