الماتىدا رەيدەرلىك ارەكەتكە بارعان قىلمىستىق توپ ۇستالدى.
ولاردىڭ مەملەكەتتىك ورگاندارمەن بايلانىسى بارى دا بەلگىلى بولدى، دەپ حابارلايدى Almaty-akshamy.kz
بۇل تۋرالى قالالىق ەكونوميكالىق تەرگەپ-تەكسەرۋ دەپارتامەنتى حابارلادى.
قىلمىسكەرلەر زورلىق-زومبىلىق، قوقان-لوقى، بوپسالاۋ ارقىلى ەلىمىزدەگى بەلگىلى كاسىپكەرلەردى ءوز مۇلكىن تەگىن بەرۋگە ماجبۇرلەگەن. بۇگىندە الماتى وبلىسى مەن الماتى قالاسىندا ولاردىڭ رەيدەرلىك شابۋىلىنا قاتىستى 4 دەرەك انىقتالدى. قازاقستاننىڭ تاعى 3 وبلىسىندا وسىعان ۇقساس قىلمىس جاسالعانى جايلى اقپار بار.
«توپ اۆتوكولىك، قىمبات جىلجىمايتىن مۇلىك جانە تاعى باسقا مۇلىكتەردى العان، جاسىرىسىن بيزنەسپەن بەلسەندى اينالىسقان. قازىرگى ۋاقىتتا توپتىڭ بەلسەندى مۇشەلەرى ۇستالدى. سوتقا دەيىنگى تەرگەپ-تەكسەرۋ جۇرگىزىلۋدە. ق ر قك 201 بابىنا سايكەس وزگە مالىمەتتەر جاريا ەتىلمەيدى»، - دەيدى ق ر قارجىلىق مونيتورينگ اگەنتتىگى باسپا ءسوز قىزمەتىنىڭ وكىلى الىبەك ءابدىلوۆ.