قالادا 128 مىڭ بەينەباقىلاۋ كامەراسى ورناتىلعان.
الماتىدا بەينەكامەرالاردىڭ كومەگىمەن 2 مىڭنان استام قىلمىس اشىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى پوليسياسى بەينەباقىلاۋ جۇيەسىنىڭ مۇمكىندىكتەرىن پايدالانۋدىڭ تيىمدىلىگى تۋرالى ايتتى. پوليسيا دەپارتامەنتىنىڭ مالىمەتىنشە، قالادا 128 مىڭ بەينەباقىلاۋ كامەراسى ورناتىلعان.
ونىڭ ىشىندە «ءقاۋىپسىز اۋلا» قاعيداتى بويىنشا – 4 251، كوشەلەردىڭ، كىرەبەرىستەردىڭ جانە شىعىستاردىڭ، سونداي-اق جول قيىلىستارىندا 5 902، ال 1 322ء-سى ساياباقتاردا، ۆوكزالداردا، الاڭداردا، تاعى 1 437 كامەرا قوعامدىق كولىكتە ورناتىلعان.
پد جەدەل باسقارۋ ورتالىعىنا 15 مىڭ بەينەباقىلاۋ كامەراسى شىعارىلدى، ونىڭ 3 854ء-ى ءبىلىم بەرۋ نىساندارىندا ورناتىلدى. جىل باسىنان بەرى سىرتقى بەينەباقىلاۋ جۇيەسىنىڭ كومەگىمەن 2 118 قىلمىس اشىلىپ، 662 226 اكىمشىلىك قۇقىقبۇزۋشىلىق انىقتالدى.