مارقۇم ءارتىس ءوزى ءدال وسى وپەرادا ءدۇريانى، قامقانى ورىنداعان.
الماتىدا 12 قاڭتاردا قازاق كسر حالىق ءارتىسى باقىت ءاشىموۆانىڭ تۋعانىنا 85 جىل تولۋىنا وراي ەۆگەنيي برۋسيلوۆسكييدىڭ ءتورت اكتىلى "قىز جىبەك" وپەراسى قويىلدى، دەپ حابارلايدى Almaty-akshamy.kz
باقىت ءاشىموۆا اباي̆ اتىنداعى قازاق ۇلتتىق وپەرا جانە بالەت تەاترىندا كوپ جىل ەڭبەك ەتىپ، وپەرالاردا مەسسو-سوپرانولىق رولدەردى نازىك ليريكالىق يىرىمدەرمەن بايىتتى، ال زەي̆نەتكەرلىككە شىققاننان كەي̆ءىن تەاتردىڭ وپەرا ترۋپپاسىنىڭ پەداگوگ-رەپەتيتورى بولىپ قىزمەت اتقارعان.
بۇگىن ءوزى قىزمەت ەتكەن ۇجىم ساحناسىندا ونىڭ قۇرمەتىنە وراي "قىز جىبەك" وپەراسى قويىلدى. مارقۇم ءارتىس ءوزى ءدال وسى وپەرادا ءدۇريانى، قامقانى ورىنداعان. زال لىق تولدى. بيلەتتەر تۇگەل ساتىلعان.
سونىمەن بىرگە قارلىعاش، ليۋبا (ا. جۇبانوۆ پەن ل. ءحاميديدىڭ "اباي̆ى" مەن "تولەگەن توقتاروۆىندا")، انالىق (م. تولەبايەۆتىڭ "ءبىرجان-ساراسىندا")، توعىزاق (ن. جيگانوۆتىڭ "التىنشاشىندا")، لارينا (پ. چاي̆كوۆسكيي̆ءدىڭ "ەۆگەنيي̆ ونەگينىندە")، سۋزۋكي (دج. ءپۋچچينيدىڭ "چيو-چيو-سانىندا")، ءشامسيا (ز. يسماگيلوۆتىڭ "قۇداشاسىندا") رولدەرى ءاشىموۆا سومداۋىندا مۇلدە جاڭا قىرىنان اشىلدى.
ول نۇرسۇلۋ، انا (س. مۇحامەدجانوۆتىڭ "اي̆سۇلۋى" مەن "جۇمباق قىزىندا")، بالىم (ە. راحمادييەۆتىڭ "قامار سۇلۋىندا")، القا (ع. جۇبانوۆانىڭ "قۇرمانعازىسىندا") پارتيالارىن ساحنادا تۇڭعىش رەت ورىندادى. ءاشىموۆا ونەرىنىڭ ەكىنشى قىرى — كامەرالىق انشىلىگى. ول ن. تىلەندييەۆتىڭ "كۋا بول"، "ماحاببات مۇڭى"، "كۇندەر-اي̆"، "جۇرەگىم مەنىڭ"، "سارجاي̆لاۋ"، "سونبەي̆ءدى، اجە، شىراعىڭ" جانە راحمادييەۆتىڭ "بالا عاشىق"، "ساعىندىم ەركەم"، "كۇزدە" اندەرىن العاش رەت ورىنداپ، قالىڭ جۇرتشىلىقتىڭ ىقىلاسىنا بولەندى.
باقىت ءاشىموۆانىڭ شاكىرتتەرى قازاقستان قالالارىندا عانا ەمەس، شەت ەلدەردە دە جەمىستى ەڭبەك ەتىپ، ونەر كورسەتىپ ءجۇر. ونىڭ كوپشىلىكتى ءسۇي̆سىندىرگەن اسەم داۋىسى، تابيعي شەبەرلىگى كلاسسيكالىق جانە حالىقتىق مۋزىكانى ءسۇي̆ەتىن كورەرمەندەرىنىڭ جۇرەگىندە ماڭگى قالادى.
باقىت ءاشىموۆا 2012 جىلى قايتىس بولدى.