بەيسەنبى، 26 مامىردا، independ.kz الاڭىندا «ازاماتتىق باستامالاردى قولداۋ ورتالىعى» قوعامدىق بىرلەستىگىنىڭ بريفينگى ءوتتى.
جۋرناليستەرمەن كەزدەسۋ تاقىرىبى 5 ماۋسىمدا وتەتىن كونستيتۋسياعا وزگەرىستەر مەن تولىقتىرۋلار ەنگىزۋ جونىندەگى رەفەرەندۋم تۋرالى بولدى، دەپ حابارلايدى Almaty-akshamy.kz
قوعامدىق بىرلەستىك وكىلدەرى ءوز ۇيىمىنىڭ رەفەرەندۋم بارىسىن قاداعالايتىن شتاب قۇراتىنىن حابارلادى.
شتاب باسشىسى بوتاگوز قۇدىشيەۆا، اۋەزوۆ اۋدانى بويىنشا ۇيلەستىرۋشى جاننا مۇقاتايەۆا، المالى اۋدانى بويىنشا ۇيلەستىرۋشى جاسۇلان تاجىبايەۆ بۇل جۇمىستاردىڭ قالاي جۇزەگە اساتىنىن ايتتى.
بوتاگوز قۇدىشيەۆا اتاپ وتكەندەي، «ازاماتتىق باستامالاردى قولداۋ ورتالىعى» ۇەۇ حالىقتىڭ ەركىن پىكىر ءبىلدىرۋ مۇمكىندىگى رەتىندە رەفەرەندۋم وتكىزۋدى قولدايدى. بۇگىنگى تاڭدا ەلىمىزدىڭ ءاربىر ازاماتىن جاڭا قازاقستاندى تەڭ مۇمكىندىكتەر قوعامى، الەۋمەتتىك ادىلەتتىلىك جانە ءاربىر ادامنىڭ ءال-اۋقاتى قوعامى رەتىندە قۇرۋ يدەياسى قۋانتادى.
قوعامدىق بىرلەستىك بەلسەندىلەرى اتىنان بوتاگوز قۇدىشيەۆا جاڭا قازاقستانداعى ۇكىمەتتىك ەمەس ۇيىمدار باستى ءرول اتقاراتىنىنا سەنىم ءبىلدىردى.
جاننا مۇقاتايەۆا قوعامدىق بىرلەستىكتىڭ ۆولونتەرلەرى ءارقاشان ەلدەگى قوعامدىق ۇدەرىستەردىڭ بەل ورتاسىندا بولۋعا، مەملەكەتتىك قۇرىلىمداردىڭ جۇمىسىن قاداعالاپ وتىرۋعا ۇمتىلاتىنىنا نازار اۋدارتتى.
«ازاماتتىق باستامالار ورتالىعى» قۇرامىنا تۇراقتى نەگىزدە ەرىكتىلەردى قابىلداپ وتىرادى.
سپيكەر 4-6 ماۋسىم ارالىعىندا مىنا مەكەنجايدا: ماركوۆ كوشەسى، 46 ءۇيدىڭ (عابدۋللين كوشەسىنىڭ قيىلىسى)، 4-قاباتىندا ("كوكتەم" شاعىناۋدانى) ۇيىمنىڭ شتابى جۇمىس ىستەيتىنىن حابارلادى.
جۋرناليستەرمەن كەزدەسۋدى اياقتاعان جاسۇلان تاجىبايەۆ «ازاماتتىق باستامالار ورتالىعى» قوعامدىق ۇيىمىنىڭ اتىنان بارشا ازاماتتاردى رەفەرەندۋمدا داۋىس بەرۋگە، سول ارقىلى جاڭا قازاقستاننىڭ قۇرىلۋىنا ۇلەس قوسۋعا شاقىردى.