الماتىدا بالمۇزداق شىعاراتىن زاۋىتتا التى جۇمىسشى اممياكتان ۋلانعان.
الماتىدا بالمۇزداق شىعاراتىن زاۋىتتىڭ التى جۇمىسشىسى اممياكتان ۋلانعان. الدىن الا قورىتىندى بويىنشا، مۇزداتقىش باللوننىڭ ارتقى جاعىنداعى رەزەڭكە تىعىزداعىشتىڭ زاۋىتتىق اقاۋى سالدارىنان 500 گرامم زياندى زات اعىپ كەتكەن. اۋىسىم كەزىندە وندىرىلگەن ونىمدەر ساتىلىمنان الىندى، دەپ حابارلايدى Almaty-akshamy.kz Egemen.kz-كە سىلتەمە جاساپ.
ۋلانعان قىزمەتكەرلەر دەرەۋ اۋرۋحاناعا جەتكىزىلگەن. دارىگەرلەر 26، 46 جانە 38 جاستاعى ءۇش ناۋقاستىڭ جاعدايىن اۋىر دەپ باعالاپ وتىر. ولار جانساقتاۋ بولىمىندە جاتىر.
«ناۋقاستىڭ بىرەۋى جاعدايى تۇراقتى بولۋىنا بايلانىستى ستاسيونارلىق ەمنەن باس تارتتى. ءتورت ناۋقاستىڭ ۇشەۋى ءقازىر جانساقتاۋ بولىمىندە ەم الىپ جاتىر. جاعدايلارى تۇراقتى اۋىر»، - دەدى الماتى قالاسى جەدەل كومەك كورسەتۋ اۋرۋحاناسىنىڭ ءبولىم مەڭگەرۋشىسى باۋىرجان وماروۆ.