ءىس-شارا بارىسىندا بالالاردى ەندوكرينولوگ، نيەۆروپاتولوگ، پۋلمونولوگ، اللەرگولوگ، كارديو-ريەۆماتولوگ، گاستروەنتەرولوگ، نەفرولوگ، گەماتولوگ، حيرۋرگ cياقتى ۇزدىك بەيىندى بالالار ماماندارى تەكسەردى.
حالىقارالىق بالالاردى قورعاۋ كۇنى قارساڭىندا №11 قالالىق ەمحاناسىندا پروفەسسور ن.ا.بارلىبايەۆا اتىنداعى نەوناتولوگيا كۋرسى مەن بالالار اۋرۋلارى كافەدراسىنىڭ قاتىسۋىمەن اشىق ەسىك كۇنى ءوتتى، دەپ حابارلايدى Almaty-akshamy.kz.
№11 قالالىق ەمحانانىڭ باسپا ءسوز قىزمەتىنىڭ مالىمەتىنشە، ولاردىڭ اراسىندا مەديسينا عىلىمدارىنىڭ كانديداتتارى، پروفەسسورلار، كافەدرا دوسەنتتەرى، مەديسينا عىلىمدارىنىڭ ماگيسترلەرى، بالالار اۋرۋلارى كافەدراسىنىڭ اسسيستەنتتەرى، جوعارى ساناتتى دارىگەرلەر بار.
سونداي-اق، بالالاردىڭ قانىنداعى قانت پەن حولەستەريننىڭ مولشەرى انىقتالدى، بويى مەن سالماعى ولشەندى.
جالپى، ءىس-شارادا ءارتۇرلى پاتولوگياعا شالدىققان 200-گە جۋىق بالا قامتىلدى. اتا-انالارمەن بالالارداعى اۋرۋلاردىڭ الدىن الۋ جانە وڭالتۋ بويىنشا اڭگىمەلەر جۇرگىزىلىپ، تەكسەرۋ جانە ەمدەۋ بويىنشا ۇسىنىستار بەرىلدى.
سوڭىندا قىزمەتكەرلەر بارلىق بالالارعا جازدا جاقسى دەمالىپ، دەنساۋلىقتارىن نىعايتىپ، كۇش-قۋات الۋدى، كوپتەگەن جاعىمدى ەموسيالار الۋدى جانە جاڭا دوستار تابۋدى تىلەدى.