“زاڭ جانە ءتارتىپ” يميدجدىك-يدەولوگيالىق ناۋقانى اياسىندا الماتىدا قازاقستان پوليسياسى كۇنىنە ورايلاستىرىلعان اشىق ەسىك كۇنى ءوتتى، دەپ حابارلايدى aqshamnews.kz Polisia.kz-كە سىلتەمە جاساپ.
شارانى الماتى قالالىق پد كينولوگيالىق قىزمەت ورتالىعى ەسىرتكى قىلمىسىنا قارسى كۇرەس باسقارماسى مەن تۇركسىب اۋدانى Community-ورتالىعىنىڭ قاتىسۋىمەن ۇيىمداستىردى. بالالار پوليسيانىڭ جۇمىسىمەن، ارنايى تەحنيكامەن تانىستى، قاۋىپسىزدىك تەحنيكاسى بويىنشا ينتەراكتيۆتى وقۋ ءىس-شارالارىنا قاتىسىپ، قىزمەتكەرلەرگە قىزىقتىراتىن سۇراقتارىن قويا الدى. ءىس-شارانىڭ ماقساتى – زاڭعا قۇرمەتپەن قاراۋدى قالىپتاستىرۋ، قۇقىقتىق سانانى تاربيەلەۋ جانە قۇقىق قورعاۋ ورگاندارىنا دەگەن سەنىمدى ارتتىرۋ.