بالالاردى قامتۋ جاسى - 7-13 جاس.
مەكتەپ جانىنداعى جازعى لاگەر ەكى باعىتتا قابىلدايدى: تاماقپەن تولىق كۇن جانە تاماقسىز جارتى كۇن. ەكەۋى دە تەگىن. بۇل تۋرالى ونلاين بريفينگ بارىسىندا قالالىق ءبىلىم باسقارماسى باسشىسىنىڭ ورىنباسارى قايرات جۇمانوۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سپيكەردىڭ سوزىنشە، مەكتەپ جانىنداعى لاگەر وقۋشىلاردى 1 ماۋسىمنان باستاپ قابىلدايدى. بالالاردى قامتۋ جاسى - 7-13 جاس.
«جوسپار بويىنشا، مەكتەپ جانىنداعى لاگەرمەن 26 مىڭ بالا قامتىلادى. ول ەكى باعىتتا جۇزەگە اسادى: تاماقپەن تولىق كۇن جانە تاماقسىز جارتى كۇن. بارلىق وقۋشى ءۇشىن ەكەۋى دە تەگىن»، - دەدى قايرات جۇمانوۆ.
سونىمەن قاتار ول بالالارعا ارنالعان قالالىق جانە قالا سىرتىنداعى جازعى لاگەرلەر تۋرالى ايتتى.
«قالا سىرتىنداعى جازعى دەمالىس بيۋدجەت قاراجاتى ەسەبىنەن، سونداي-اق كوممەرسيالىق نەگىزدە ۇيىمداستىرىلادى. ساۋىقتىرۋ دەمالىسى، ەڭ الدىمەن، حالىقتىڭ الەۋمەتتىك وسال ساناتىنداعى بالالارمەن قامتىلاتىن بولادى: كوپ بالالى، از قامتىلعان وتباسىلارداعى، ەرەكشە ءبىلىم بەرۋدى قاجەت ەتەتىن بالالار. ول ءۇشىن بيۋدجەتتەن 270 ملن تەڭگە قاراستىرىپ وتىر. بۇگىنگى كۇنى كونكۋرس جاريالاندى. جالپى، 33 مىڭنان استام بالانى قامتۋ كوزدەلگەن»، - دەدى سپيكەر.
بۇدان بولەك جازعى دەمالىس كەزىندە ءبىلىم بەرۋ ۇيىمدارىندا بارلىعى 1200-گە جۋىق ۇيىرمە مەن سەكسيا جۇمىس ىستەيتىن بولادى.