1 ماۋسىم ساعات 10:00-دە ورتالىقتاندىرىلعان كىتاپحانالار جۇيەسى ي.ا. كرىلوۆ اتىنداعى بالالار كىتاپحاناسىندا حالىقارالىق بالالار كۇنىنە ارنالعان «باقىتتى بالالىق شاق» اتتى مەرەكەلىك ءىس-شارا وتەدى، دەپ حابارلايدى Almaty-akshamy.kz.
ءىس-شارا بارىسىندا قازاقستان جۋرناليستەر وداعىنىڭ مۇشەسى، «دارابوز» بايقاۋىنىڭ جۇلدەگەرى، جازۋشى بايان بولاتحاننىڭ كىتاپتارىنىڭ تانىستىرىلىمى، «التىن ادام» سىيلىعىنىڭ يەگەرى، حالىقارالىق كونكۋرستاردىڭ لاۋرەاتتارى «يل-كانتو» توبى، قازاق مەملەكەتتىك سيركىنىڭ ءارتىسى، فرانسيانىڭ نيسسا قالاسىندا وتكەن حالىقارالىق سيرك فەستيۆالىنىڭ گران-پري جۇلدەگەرلەرى تيكانوۆ ادىلەتتىڭ توبى مەن ونەر يەلەرىنىڭ، كىتاپحانا ۇيىرمەلەرىنىڭ (ۆوكال، دومبىرا) قاتىسۋىمەن مەرەكەلىك كونسەرت، جارمەڭكە (پىسىرىلگەن ءتاتتى توقاشتار)، قولدان جاسالعان بۇيىمدار اۋكسيونى (تۇسكەن قاراجات قايىرىمدىلىق قورىنا اۋدارىلادى)، Funny English اعىلشىن ءتىلى ۇيىرمەسىنىڭ ۇيىمداستىرۋىمەن كۆەست، «جاس قارجىگەر» ۇيىرمەسىنىڭ ۇيىمداستىرۋىمەن ينتەللەكتۋالدى ويىندار، بۋككروسسينگ، «جاڭا كىتاپ» جانە سيرەك كەزدەسەتىن كىتاپتار كورمەسى، اسفالتقا سۋرەت سالۋ بايقاۋى وتەدى.