ءقاۋىپتى ۆيرۋستى قالا بويىنشا 239 بالا جۇقتىرىپ، اۋرۋحانالاردا ەم الىپ جاتىر.
الماتىدا كوروناۆيرۋس ينفەكسياسى بالالار اراسىندا دا ءورشىپ بارادى. بۇگىندە بۇل ءقاۋىپتى ۆيرۋستى قالا بويىنشا 239 بالا جۇقتىرىپ، اۋرۋحانالاردا ەم الۋدا، دەپ حابارلايدى Almaty-akshamy.kz Almaty.tv سايتىنا سىلتەمە جاساپ.
قالاداعى كلينيكالىق بالالار جۇقپالى اۋرۋلار اۋرۋحاناسىنىڭ ەكىنشى ستاسيونارىنىڭ وزىندە 148 ناۋقاس تىركەلىپ، ولاردىڭ 80 پايىزىنىڭ جاعدايى ورتاشا اۋىر دەپ باعالانىپ وتىر.
«ەم الىپ جاتقان بالالاردىڭ ءبارى پروتوكول بويىنشا ەم قابىلدايدى. سولاردىڭ شاعىمدارى، اناليزدەرىنە قاراي بۇكىل ەم جۇرگىزىلەدى. بارلىقتارىنىڭ جاعدايى ورتاشا، تۇراقتى بولىپ ەسەپتەلەدى. بارلىعى امان-ەسەن ۇيىنە شىعارىلادى. اتا-اناسىمەن بىرگە جاتىپ ەم قابىلدايدى»، – دەدى بالالار قالالىق كلينيكالىق جۇقپالى اۋرۋلار اۋرۋحاناسىنىڭ ءبولىم مەڭگەرۋشىسى بايان وسپانبايەۆا.
ودان بولەك، بۇل اۋرۋحاناعا COVID-19 ۆيرۋسىن جۇقتىرعان ەرەسەكتەر دە قابىلدانىپ جاتىر. ءقازىر ولاردىڭ سانى 411-گە جەتتى. ال، اۋىر حالدەگى 5 ادام وكپەنى جاساندى جەلدەتۋ اپپاراتىنا قوسىلعان.