الماتىداعى №29 بالاباقشادا تۇسىرىلگەن ۆيدەودا عيمارات اسحاناسىندا تاراقانداردىڭ قاپتاپ، جاندىكتەردىڭ پليتالاردىڭ، قابىرعالاردىڭ جانە ەدەننىڭ بويىمەن ەمىن-ەركىن جۇرگەنى انىق كورىنەدى.
اتا-انالاردىڭ ايتۋىنشا، بۇعان دەيىن بالالارعا بۇزىلعان تاماق بەرىلىپ كەلگەن. ال بوتقانىڭ ىشىنەن ءتىرى جاندىكتەر ءجيى شىققان كورىنەدى. ءبىر قىزىعى بۇل مەكەمەنى بۇعان دەيىن باسقا ۇيىمداعى ءدال وسىنداي زاڭبۇزۋشىلىقتار ءۇشىن جۇمىستان قۋىلعان مەڭگەرۋشى باسقارىپ وتىر ەكەن.
اتا-انالاردىڭ سوزىنشە، ونىڭ كەلگەنىنەن كەيىن جاعداي كۇرت ناشارلاپ، اسحانادا ازىق-تۇلىك ۇرلىعى باستالعان.
الماتى قالاسى ءبىلىم باسقارماسى ۆيدەونى كۇزەت فيرماسىنىڭ قىزمەتكەرى قىركۇيەك ايىندا تۇسىرگەنىن راستادى. ۆەدومستۆو بالاباقشادا دەزينفەكسيا مەن دەراتيزاسيا تۇراقتى جۇرگىزىلەتىنىن ايتتى. ال جاندىكتەردىڭ كوبەيۋىنە جاقىن ماڭداعى قوقىس كونتەينەرلەرى سەبەپ بولۋى مۇمكىن دەيدى.
ءقازىر اۋەزوۆ اۋدانىنىڭ سانيتارلىق قىزمەتى بالاباقشادا تەكسەرىس جۇرگىزىپ جاتىر. ءبىلىم باسقارماسى بالاباقشا جۇمىسىنا قاتاڭ تەكسەرىس جۇرگىزىلىپ، كىنالىلەرگە ءتيىستى شارا قابىلداناتىنىن مالىمدەدى.