الماتىدا بالاباقشالار جۇمىس ىستەي مە؟

ءبىلىم بەرۋ باسقارماسىندا جەدەل جەلى ىسكە قوسىلدى

الماتىدا مەكتەپكە دەيىنگى مەكەمەلەر ۋاقىتشا جۇمىس ىستەمەيدى. بۇل تۋرالى قالا تىرشىلىگىن قامتاماسىز ەتۋ شتابىنان ءمالىم ەتتى، دەپ حابارلايدى Almaty-akshamy.kz.

قالا تىرشىلىگىن قامتاماسىز ەتۋ شتابىنىڭ مالىمەتىنشە، الماتىداعى بارلىق ءبىلىم بەرۋ ۇيىمدارى قاتاڭ باقىلاۋدا. ق ر ءبىلىم جانە عىلىم مينيسترلىگى مەكتەپتەردەگى قىسقى دەمالىستاردى 17 قاڭتارعا دەيىن ۇزارتتى. ال جوعارى وقۋ ورىندارى مەن كوللەدج ستۋدەنتتەرى 24 قاڭتارعا دەيىن دەمالادى. 

«الماتىدا لاڭكەستىككە قارسى وپەراسيا ءجۇرىپ جاتىر. وسىعان بايلانىستى مەكتەپكە دەيىنگى مەكەمەلەردىڭ جۇمىسى توقتاپ تۇر. ولاردىڭ اشىلاتىن ۋاقىتىن الداعى كۇندەرى حابارلايتىن بولامىز»، - دەپ اتاپ ءوتتى شتاب وكىلدەرى. 

سونداي-اق قالالىق ءبىلىم بەرۋ باسقارماسىندا جەدەل جەلى ىسكە قوسىلدى. تۇرعىندار ءبىلىم ماسەلەسىنە قاتىستى سۇراقتار تۋىنداسا، مىنا تەلەفون نومەرلەرى ارقىلى حابارلاسا الادى: 376- 54-61، 8702 439 95 38. 

ەسكە سالايىق، الماتىنىڭ كوممۋنالدىق قىزمەتى جاپپاي تارتىپسىزدىكتەردەن كەيىن قالانى تازارتۋ جۇمىسىنا كىرىستى. بۇلىنگەن باعدارشامدار جوندەلىپ، ىسكە قوسىلا باستادى. كەلتىرىلگەن شىعىن 72 ملن تەڭگە شاماسىندا.