ولار بۇل قىلمىسپەن 4 جىل بويى اينالىسقان.
الماتى سوتى جاڭا تۋعان سابيلەردى ساتۋمەن اينالىسقان 7 تۇلعاعا قاتىستى ۇكىمدى ءوز كۇشىندە قالدىردى، دەپ حابارلايدى، دەپ حابارلايدى Almaty-akshamy.kz
الماتى سوتىنىڭ باسپا ءسوز قىزمەتىنىڭ مالىمەتىنشە، بۇعان دەيىن سوتتالۋشىلار ءبىرىنشى ساتىداعى ۇكىم بويىنشا قىلمىستىق توپتىڭ قۇرامىندا كامەلەتكە تولماعان بالالاردى ساتىپ الۋ-ساتۋ جانە سىيعا تارتۋ (ءقر-نىڭ 28 ب.، 135 ب.)، ۇيىمداسقان توپتى قۇرعانى جانە وعان جەتەكشىلىك ەتكەنى (ءقر-نىڭ 262 ب.) جانە جالعان قۇجاتتاردى بىرنەشە مارتە دايىنداعانى (ءقر-نىڭ 385 ب.) ءۇشىن كىنالى دەپ تانىلعان بولاتىن.
"2018 جىلدان باستاپ 2022 جىلعى ناۋرىزعا دەيىن ا. (احاج-دىڭ بۇرىنعى قىزمەتكەرى) بالالاردى ساتىپ الۋ-ساتۋ جانە باسقا دا مامىلەلەر بويىنشا 4 ەپيزودتى ءوز بەتىنشە جاساعان. ا. قىلمىستىق توپ قۇرىپ، ونىڭ قۇرامىنا س. جانە ە. (جۇمىسسىزدار) جانە بەلگىسىز ە. ەسىمدى ايەل كىرگەن. اتالعان قىلمىستىق توپتىڭ ماقساتى جاڭا تۋعان سابيلەرگە قاتىستى ساتىپ الۋ-ساتۋ جانە باسقا دا مامىلەلەر جاساۋ ارقىلى تابىس تابۋ بولعان"، - دەپ ءتۇسىندىردى سوت وكىلدەرى.
ا.-نىڭ مىندەتىنە قىلمىستىق توپقا جالپى باسشىلىق جاساۋ، سونداي-اق تۋۋ تۋرالى كۋالىكتەر جاساۋ كىرگەن. س.، ە. جانە بەلگىسىز ايەل ە-نىڭ مىندەتتەرى جاڭا تۋعان سابيلەرىنەن باس تارتۋعا دايىن ادامداردى جانە جاڭا تۋعان بالالاردى اسىراپ الۋعا نيەت بىلدىرگەن ادامداردى ىزدەۋ جانە كەلىسسوزدەر جۇرگىزۋ، اقشا الۋ جانە كەيىننەن ولاردى ا-عا بەرۋدى قامتىعان.
"گ.، ب.، م. جانە ن.-نىڭ ءارقايى جاڭا تۋعان سابيلەرگە قاتىستى ساتىپ الۋ-ساتۋ مامىلەلەرىنىڭ ءبىر ەپيزودىنا عانا قاتىسقان جانە قىلمىستىق توپقا كىرمەگەن. ءىس بويىنشا بارلىعى 12 جاڭا تۋعان سابيگە قاتىستى ساتىپ الۋ-ساتۋ جانە سىيعا تارتۋ مامىلەلەرى جاسالدى.سونىمەن قاتار ب.-عا الاياقتىق جاسادى دەگەن ايىپ تاعىلعان، ياعني جابىرلەنۋشىنىڭ اتىنا 1 000 000 تەڭگەگە جۋىق سوماعا نەسيەنى الاياقتىق راسىمدەۋ ارقىلى اقشا جىمقىردى دەپ ايىپتالدى.سونداي-اق سوت گ. جانە ب.-مەن بىرگە تۇراتىن تۇلعالار جاڭا تۋعان سابيلەرىن ساتۋدان ءوز ەركىمەن باس تارتقانىن انىقتادى، ءبىراق ا. مەن بەلگىسىز ايەل ە. ولاردى الداپ، بالانى الىپ، ساتىپ جىبەرگەن"، - دەلىنگەن حابارلامادا.
قىلمىستىق قۋدالاۋ ورگانى بالالارىنان باس تارتقان انالارعا جانە وسى بالالاردى وزدەرى اسىراپ الۋ ءۇشىن ساتىپ العان ادامدارعا قاتىستى سوتقا دەيىنگى تەرگەۋ بارىسىندا قىلمىستىق ىستەر قك-نىڭ 65 ب. بويىنشا ارەكەتتى وكىنىش بىلدىرگەندەرى ءۇشىن توقتاتىلعانىن اتاپ وتكەن ءجون.
سوتتالۋشى ايەلدەر م. 1956 ج.ت. – 67 جاستا جانە ن. 1953 ج.ت. - 70 جاستا، بوسانعاننان كەيىن اناسى باس تارتقان بالانى وسى ءسابيدى اسىراپ العىسى كەلگەن تۇلعالارعا وتەۋسىز بەرۋدىڭ ءبىر ەپيزودىنا قاتىسقان. وسى ايىپتالۋشىلار م. جانە ن. ءوز كىنالارىن تولىق مويىندادى، تەرگەۋ جۇمىسىندا سەرىكتەستىك تانىتتى جانە ولاردى ارەكەتتى وكىنىش بىلدىرگەندەرى ءۇشىن قىلمىستىق جاۋاپكەرشىلىكتەن بوساتۋدى سۇرادى.
سوتتا پروكۋرور بارلىق ايىپتاۋ ەپيزودتارى بويىنشا ايىپتاۋدى قولداپ، سوتتان ايىپكەرلەردىڭ بارلىعىنا 9 جىلدان 16 جىلعا دەيىن باس بوستاندىقتارىنان ايىرۋ جازاسىن تاعايىنداۋدى سۇرادى.
سوت ۇكىمىمەن ا.، س. جانە ە. قىلمىستىق توپ قۇرامىندا كامەلەتكە تولماعاندارعا قاتىستى مامىلەلەر جاساسقانى ءۇشىن تاعىلعان بارلىق ايىپتار بويىنشا كىنالى دەپ تانىلدى جانە سوتتالدى: ا. – 14 جىل، ال س. جانە ە. – ءارقايسى 12 جىل مەرزىمگە باس بوستاندىقتارىنان ايىرىلدى.
ا. قك-نىڭ 385 ب.-نىڭ 1 جانە 2 ب. بويىنشا ايىپ تاعىلعان 11 ەپيزودتىڭ 6-سى بويىنشا (قۇجاتتاردى قولدان جاساۋ) قىلمىستىق قۇقىق بۇزۋشىلىق قۇرامىنىڭ دالەلدەنبەگەنى ءۇشىن اقتالدى.
گ. جانە ب. - قك-نىڭ 135 ب.، 2 ب.، 1 ت. بويىنشا كىناسىز دەپ تانىلدى جانە قىلمىستىق قۇقىقبۇزۋشىلىق قۇرامىنىڭ جوقتىعى ءۇشىن اقتالدى؛
ب. قك-نىڭ 190 ب.، 1 ب. (ونشا اۋىر ەمەس) بويىنشا كىنالى دەپ تانىلىپ، 1 جىل باس بوستاندىعىن شەكتەۋ تۇرىندەگى جازا تاعايىندالدى، سونداي-اق جازا مەرزىمىندە قاماۋدا ۇستاۋ مەرزىمىن ەسەپكە جاتقىزۋ قاعيدالارىنا سايكەس وتەلىپ قويۋىنا بايلانىستى ونى وتەۋدەن بوساتىلدى.
م. جانە ن. - كىنالى دەپ تانىلدى جانە قك-نىڭ 65 ب. بويىنشا ارەكەتتى وكىنىش بىلدىرگەندەرى ءۇشىن قىلمىستىق جاۋاپكەرشىلىكتەن بوساتىلدى.
جەرگىلىكتى ءبىلىم باسقارمالارىنا قولدانىستاعى زاڭناماعا سايكەس زاڭسىز اسىراپ الىنعان بالالاردىڭ تاعدىرىن انىقتاۋ تۋرالى جەكە قاۋلى جىبەرىلدى.