2024 جىلدىڭ 29 ماۋسىمى مەن 15 قىركۇيەگى ارالىعىندا الماتى قالاسى بوستاندىق اۋدانىندا بايقاداموۆ كوشەسىنىڭ بويىندا - گاگارين داڭعىلىنان باستاپ جاروكوۆ كوشەسىنە دەيىنگى ارالىقتا - كولىك قوزعالىسى شەكتەلەدى.
گاگارين داڭعىلىنان جاروكوۆ كوشەسىنە قارايعى شىعىس باعىتتا اۆتوكولىك قوزعالىسى جابىلادى، دەپ حابارلايدى Almaty-akshamy.kz
1984 جىلدان بەرى پايدالانىلىپ كەلە جاتقان، جالپى ۇزىندىعى 1220 مەتر قۇبىردىڭ اتالعان كوشە بولىگىنىڭ كولىك جولى بولىگىنىڭ استىنان وتەتىن جاڭعىرتۋ ۋچاسكەلەرىنىڭ بىرىندە جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن ۋاقىتشا شەكتەۋلەر ەنگىزىلىپ وتىر.
بۇل قۇبىرجول 97 كوپپاتەرلى تۇرعىن ءۇيدى، 12 جەكە تۇرعىن ءۇيدى، 4 بالاباقشانى، 2 دەنساۋلىق ساقتاۋ نىسانىن جانە 27 باسقا نىساندى جىلۋمەن جانە ىستىق سۋمەن قامتاماسىز ەتەدى. جاڭعىرتۋ جۇمىستارى كەزەڭىندە اتالعان تۇتىنۋشىلار ىستىق سۋمەن بۇرىنعىسىنشا ۇزدىكسىز قامتاماسىز ەتە بەرىلەتىن بولادى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى جانە بۇل اۋماقتى اينالىپ ءوتۋ جولدارىن الدىن الا قاراستىرۋلارىڭىزدى سۇرايمىز.