تارتىپسىزدىك كەزىندە ازىق-تۇلىك وندىرەتىن كاسىپورىندار زارداپ شەككەن جوق.
الماتى قالاسىنىڭ تىنىس-تىرشىلىگىن قامتاماسىز ەتۋدى قالپىنا كەلتىرۋ جونىندەگى قالالىق شتابتىڭ مالىمەتىنشە، بۇگىندە 3 ناۋبايحانا («اقساينان»، «الماتىنان» جانە «رۋزينان») كۇنىنە 80 تونناعا جۋىق الەۋمەتتىك نان شىعارادى، دەپ حابارلايدى Almaty-akshamy.kz
بۇل رەتتە وندىرىلەتىن ءونىمنىڭ باعاسى بۇرىنعى دەڭگەيدە قالدى («اقساينان» – 80 تەڭگە/بولكە، «الماتىنان» – 85 تەڭگە/بولكە).
9 قاڭتاردان باستاپ باكالەيا ونىمدەرىنىڭ ءىرى جەتكىزۋشىسى «اس-ان» فيرماسى ج ش س (كۇنباعىس مايى، قانت، تۇز، روجكي، كۇرىش، ارپا، ۇن) ءونىمدى ساۋدا جەلىلەرىنە جەتكىزۋدى جاڭارتتى. 10 قاڭتاردان باستاپ بوستاندىق (33 دۇكەن) جانە تۇركسىب (16 دۇكەن) اۋداندارىنىڭ ءۇي جانىنداعى 49 دۇكەنىنە جەتكىزۋدى باستادى.
ءسۇت ونىمدەرىن وندىرۋشىلەر («سولنەچنىي» ج ش س، «ءادالسۇت» ج ش س جانە «JLC» ج ش س، «فۋد ماستەر"» ج ش س، «RG Brands») جەتكىزىلىمدەردى شتاتتىق رەجيمدە جۇرگىزەدى.
«الساد قازاقستان» ج ش س مەن «الاتاۋ قۇس» ج ش س قويمالاردا جۇمىرتقا قورىنىڭ جەتكىلىكتى كولەمىنە يە. بۇگىندە بارلىق ساۋدا جەلىلەرى مەن ءىرى دۇكەندەر جەتكىزىلىممەن قامتىلعان.
بۇگىن اكك-نىڭ 20 پاۆيلونى جۇمىس ىستەي باستادى، 2 پاۆيلون زارداپ شەكتى (جەتىسۋ-2، تولە بي-مومىش ۇلى كوشەسى).
9 قاڭتاردا «ماگنۋم» جەلىسىنە كەلىسىمشارت جاسالعان كوكونىستەر كولەمىن جەتكىزۋ جولعا قويىلدى. قازىرگى ۋاقىتتا ازىق-تۇلىك تاۋارلارىن كەلەسى كاسىپورىندار وتكىزەدى: «اس-ان» فيرماسى ج ش س، «ەفك» اق (باكالەيا ونىمدەرى)، بارلىق ساناتتاعى جۇمىرتقالار («الساد قازاقستان» ج ش س جانە «الاتاۋقۇس» ج ش س)، نان-توقاش ونىمدەرى («اقساي» تنك ج ش س، «الماتىنان» ج ش س جانە «رۋزينان» ج ش س)، ءسۇت ونىمدەرى («ءادالسۇت» ج ش س، «JLC» ج ش س، «فۋدماستەر» ج ش س، «ماسلودەل» ج ش س، «مولوچنايا پرودۋكسيا» ج ش س، «سولنەچنىي» زاۋىتى)، كونسەرۆىلەنگەن ونىمدەر («پريما ديستريبيۋشن» ج ش س)، ەت ونىمدەرىن قايتا وڭدەۋشىلەر («بەككەر ي ك» ج ش س، «مپز بيجان»ج ش س)، جىلىجاي كوكونىستەرى («BRBAPK» ج ش س).