جول اپاتى سالدارىنان 1 ادام كوز جۇمىپ، 21 ادام زارداپ شەككەن.
الماتىدا اۆتوبۋس اپاتىنا قاتىسى بار جۇرگىزۋشىنى قاماۋدا ۇستاۋ مەرزىمى كەلەسى ايعا دەيىن ۇزارتىلدى، دەپ حابارلايدى Almaty-akshamy.kz.
«الماتى قالاسى مامانداندىرىلعان اۋدانارالىق تەرگەۋ سوتىنىڭ حابارلاماسى بويىنشا، 4 قاڭتاردا سوتتىڭ قاۋلىسىمەن سوتقا دەيىنگى تەرگەۋ ورگانىنىڭ ءوتىنىشى قاناعاتتاندىرىلدى، سونداي-اق، ا. - عا قاتىستى قاماۋدا ۇستاۋ مەرزىمىن 3 ايعا، ياعني 9 اقپانعا دەيىن ۇزارتۋ سانكسيالاندى»، - دەپ حابارلادى الماتى قالالىق سوتىنىڭ باسپا ءسوز قىزمەتى.
ەسكە سالايىق، وتكەن جىلى 8 قاراشا كۇنى الماتىدا تولە بي – ابىلاي حان كوشەلەرىنىڭ قيىلىسىندا ەكى اۆتوبۋس سوقتىعىسقان بولاتىن.
جول اپاتى سالدارىنان 1 ادام كوز جۇمىپ، 21 ادام زارداپ شەككەن.
سونداي-اق اۆتوبۋس اپاتىنا قاتىسى بار جۇرگىزۋشى قاماۋعا الىنعان بولاتىن.