الماتىدا اۋرۋحانالار مەن جەكە ۇيلەردە ۇرلىق جاساپ جۇرگەن ايەل ۇستالدى.
بوتەننىڭ مۇلكىن ۇرلاۋ ارەكەتتەرىن جاسادى دەگەن كۇدىكپەن 46 جاستاعى جەرگىلىكتى تۇرعىن ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«تەرگەۋ انىقتاعانداي، گ.ەسىمدى ازاماتشا وقتىن-وقتىن قىلمىستىق ارەكەتپەن اينالىسقان، ونىڭ باسقا تابىستارى بولماعان. سوڭعى كەزدەرى ەمدەۋ مەكەمەلەرىندە ورىن العان ۇرلىق تۋرالى ارىزدار جيىلەپ كەتتى. قاسكوي كابينەتتەر مەن پالاتالارعا كىرىپ، قاراۋسىز قالعان زاتتاردىڭ بارلىعىن: ۇيالى تەلەفوندار، ءامياندار، ءتۇرلى گادجەتتەردى يەمدەنگەن. ال اۋرۋحانالاردىڭ بىرىندە ول توندى ۇرلاپ كەتكەن. بىرنەشە ەپيزود بەينەباقىلاۋ كامەرالارىنا ءتۇسىپ قالعان. بارلىق دەرەكتەر بويىنشا قىلمىستىق ىستەر تىركەلدى. ءقازىر كۇدىكتى قاماۋعا الىندى»، — دەدى ناۋرىزباي اۋداندىق پوليسيا باسقارماسىنىڭ باستىعى ديدار احانوۆ.
تەرگەۋدىڭ وسى كەزەڭىندە گ.ەسىمدى ازاماتشانىڭ وسىعان ۇقساس جەتى ەپيزودقا قاتىسى بار ەكەندىگى انىقتالدى. ايەل ادام ۇرلانعان تەلەفوندار مەن باسقا دا گادجەتتەردى ساتىپ، ساتۋدان تۇسكەن اقشانى ءوز قالاۋى بويىنشا جۇمساعان.
«ۇستالعان ازاماتشا ءوز كىناسىن مويىنداپ، بارلىق قىلمىستارعا قاتىسى بار ەكەنىن راستادى. ءبىز كۇدىكتىنىڭ باسقا دا وسىعان ۇقساس قىلمىستارعا قاتىسى بار-جوعىن تەكسەرىپ جاتىرمىز. ءىستىڭ تولىق جانە جان-جاقتى تەرگەلۋىن قامتاماسىز ەتۋگە باعىتتالعان ءبىرقاتار تەرگەۋ ارەكەتتەرى جۇرگىزىلۋدە، ناتيجەسىندە بۇل قىلمىستىق ءىس سوتقا جولداناتىن بولادى»، – دەدى احانوۆ.