2 قازان كۇنى الماتىدا تۇراقتى دامۋدى ىلگەرىلەتۋگە ارنالعان Orange BeNeLux Bicycle Tour قالالىق ۆەلوشەرۋى وتەتىنىن حابارلايمىز. ۆەلوشەرۋگە 16 جاستان اسقاندار قاتىسادى. جالپى قاشىقتىعى – 15 شاقىرىم. ۆەلوشەرۋ ساعات 9:00-دە روزىباكييەۆ كوشەسىندەگى MEGA Center Alma-Ata ساۋدا-ويىن-ساۋىق ورتالىعى اۋماعىندا باستالادى. ودان ءارى باعىت ءال-فارابي داڭعىلىنىڭ بويىمەن جالعاسادى.
وسىعان بايلانىستى روزىباكييەۆ كوشەسى – ليەۆيتان كوشەسىنەن مالاحوۆ كوشەسىنە دەيىن ساعات 6.00-دەن 10.00-گە دەيىن، ءال-فارابي داڭعىلى (وڭتۇستىك جاعى) - روزىباكييەۆ كوشەسىنەن نازاربايەۆ داڭعىلىنا دەيىن شىعىس باعىتتا ساعات 9.00-دەن 9.30-عا دەيىن (ۆەلوشەرۋ ءجۇرىپ وتكەن سايىن قوزعالىس اشىلىپ وتىرادى)، ءال-فارابي داڭعىلى نازاربايەۆ داڭعىلىنان روزىباكييەۆ كوشەسىنە دەيىن باتىس باعىتتا - 9.05-تەن 10.00-گە دەيىن جابىلادى.
ۆەلوشەرۋدىڭ باستاماشىسى – قازاقستانداعى نيدەرلاندى كورولدىگىنىڭ ەلشىلىگى. ۆەلوشەرۋدىڭ ۇيىمداستىرۋشىلارى – قازاقستان ۆەلوسپورت فەدەراسياسى مەن قازاقستان ترياتلون فەدەراسياسى. ءىس-شارا الماتى قالاسى اكىمدىگىنىڭ قولداۋىمەن وتەدى.
Orange BeNeLux Bicycle Tour مىنا يدەيالاردى ۇسىنادى:
• ۆەلوسيپەدتەردى كولىك قۇرالى رەتىندە پايدالانۋ مەن جول قاۋىپسىزدىگىن جاقسارتۋ، سونىمەن قاتار ولاردى تۇراقتى ۇتقىرلىق پەن كولىك ينفراقۇرىلىمىن جوسپارلاۋ مەن جوبالاۋعا بىرىكتىرۋ؛
• بارلىق ادام ءۇشىن (ەرلەر مەن ايەلدەر، ەرەسەكتەر مەن كامەلەتكە تولماعاندار) دەنە تاربيەسىن، سالاۋاتتى ءومىر سالتىن، اۋرۋدىڭ الدىن-الۋىن، دەنە جانە پسيحيكالىق دەنساۋلىق پەن سالاۋاتتىلىقتى نىعايتۋدى ناسيحاتتاۋ؛
• تولەرانتتىلىقتى، ءوزارا تۇسىنىستىكتى جانە الەۋمەتتىك ينتەگراسيانى ناسيحاتتاۋ.
ۆەلوشەرۋگە 1000-عا جۋىق ادام قاتىسادى.
ۆەلوشەرۋدەن كەيىن AlmaU ۋنيۆەرسيتەتىندە نيدەرلاندى كورولدىگىنىڭ ەلشىلىگى مەن Urban Forum Kazakhstan قوعامدىق قورىنىڭ ۇيىمداستىرۋىمەن پانەلدىك پىكىرتالاس وتەدى. تالقىلاۋ ۆەلوسيپەد ينفراقۇرىلىمى مەن وعان قاتىستى تاقىرىپتارعا ارنالادى. سونىمەن قاتار، قاتىسۋشىلارعا Dutch Cycling Embassy ۇيىمىنىڭ «وزىق تاجىريبە. نيدەرلاندىداعى ۆەلوسيپەد مادەنيەتى» كىتابىنىڭ ءۇش تىلدە باسىلعان شەكتەۋلى دانالارى بەرىلەدى. تالقىلاۋعا Urban Forum Kazakhstan، نيدەرلاندى جانە ت.ب. ساراپشىلارى قوسىلادى.
كۇنى مەن ۋاقىتى: 2 قازان، 09:00 – ۆەلوشەرۋدىڭ باستالۋى، 11:00 – پانەلدىك پىكىرتالاستىڭ باستالۋى
وتەتىن ورنى: Mega Center Alma-Ata ساۋدا-ويىن-ساۋىق ورتالىعى، AlmaU ۋنيۆەرسيتەتى
#BeNeLuxBicycleTour #BeNeLuxTourKZ
تۇراقتى دامۋدى ىلگەرىلەتۋگە ارنالعان
Orange BeNeLux Bicycle Tour
باعدارلاماسى
كۇنى مەن ۋاقىتى:
2022 جىلعى 2 قازان، 9:00
باستالۋ مەن اياقتالۋ ورنى:
MEGA Center Alma-Ata ساۋدا-ويىن-ساۋىق ورتالىعى
|
08:15 – 08:50 |
قاتىسۋشىلاردىڭ جينالۋى، ينسترۋكتاج |
|
09:00 |
ۆەلوشەرۋدىڭ باستالۋى |
|
09:40 |
فۋرشەت |
|
09:45 – 10:00 |
العى سوزدەر |
|
10:00 |
ۆەلوشەرۋدىڭ اياقتالۋى |
|
10:10 – 10:30 |
ۇتىس ويىنى |
|
11:00 – 12:00 |
ۆەلوسيپەد مادەنيەتى مەن ينفراقۇرىلىمى تۋرالى پانەلدىك پىكىرتالاس. وتەتىن ورنى – AlmaU ۋنيۆەرسيتەتى. ۇيىمداستىرۋشىلار – نيدەرلاندى كورولدىگىنىڭ ەلشىلىگى جانە Urban Forum Kazakhstan قوعامدىق قورى مودەراتور: ءادىل نۇرماقوۆ، Urban Forum Kazakhstan |