الماتى قالاسىنىڭ اكىمى باقىتجان ساعىنتايەۆ جۇمىس ساپارى بارىسىندا قوعامدىق كەڭىستىكتەردى اباتتاندىرۋ مەن تۋريستىك الەۋەتتى دامىتۋ بارىسىن تەكسەردى، دەپ حابارلايدى almaty-akshamy.kz
الماتى اكىمى باقىتجان ساعىنتايەۆ ءوزىنىڭ Instagram-داعى اككاۋنتىندا سكۆەرلەردى رەكونسترۋكسيالاۋ، قوناقۇيلەر سالۋ جانە تاۋ ءتۋريزمى ءۇشىن جايلى جاعداي جاساۋ تۋرالى ايتتى.
«نەدەلكا» سۋبۇرقاعىن قوسا العاندا اباي اتىنداعى قۇاوبت الدىنداعى الاڭدى جاڭعىرتۋ جۇمىسى اياقتالۋعا جاقىن. مۇنداعى باستى مىندەت – تاريحي ساۋلەت ءانسامبلىن ساقتاي وتىرىپ، ماڭايدى قالپىنا كەلتىرۋ ەدى. ول ءۇشىن شامدار، سۋبۇرقاق اركالارى مەن "اباجۋر"، اينالاسىنداعى پليتالار قالپىنا كەلتىرىلدى. بارلىعى سول كەزدە تۇسىرىلگەن سۋرەتتەگىدەي. كىرە بەرىستەگى جويىلعان سۋبۇرقاق قالپىنا كەلتىرىلدى. جاڭا كەلبەتكە يە بولعان كەڭىستىك قالا تۇرعىندارىنىڭ كوڭىلىنەن شىعاتىنىنا كۇمانىم جوق. سوناۋ 60-70 جىلدارداعى الماتىنىڭ اتموسفەراسىن ەسكە تۇسىرەدى»، - دەپ اتاپ ءوتتى باقىتجان ساعىنتايەۆ.
نەگىزى 2005 جىلى قالانعان تۇڭعىش پرەزيدەنت قورىنىڭ جانىنداعى سكۆەردى قايتا قۇرۋ جالعاسۋدا. سودان بەرى مۇندا جوندەۋ جۇمىستارى جۇرگىزىلمەگەن ەكەن. 80 ورىندىق، قوقىس جاشىگى جانە تۇرعىنداردىڭ وتىنىشىمەن سانيتارلىق-گيگيەنالىق توراپ ورناتىلادى. بالالارعا ارنالعان ويىن جانە سپورت الاڭىن قۇرۋ جوسپاردا بار. سىرتقى جارىق جۇيەسىن جۇرگىزۋ ءۇشىن 4 كم كابەل توسەلىپ، 147 شام ورناتىلادى. اۆتوماتتى سۋارۋ جۇيەسى ءۇشىن 5 كم قۇبىر اۋىستىرىلىپ، سۋارۋعا ارنالعان ەكى بوشكە سالىنادى.
«جاڭا جايلى ورىن ءا. قاستەيەۆ اتىنداعى مەملەكەتتىك ونەر مۇراجايىنىڭ الدىنداعى الاڭ بولادى، وندا جاسىل قوردى جاڭارتۋ، جول جامىلعىسى، ورىندىقتار، جارىقتاندىرۋ جۇمىستارى دا اياقتالۋدا، ءبىز سۋبۇرقاقتى قالپىنا كەلتىرەمىز»، - دەپ جازدى قالا اكىمى.
سونداي-اق، ۇلكەن الماتى وزەنى - ءال-فارابي داڭعىلىنداعى كوپىر كەڭىستىگى وزگەرتىلەدى، وندا كوشەدە تاماقتاناتىن ورىن مەن كوشە كينوتەاترى ۇيىمداستىرىلادى. وزەندە جاساندى سارقىراما مەن كورۋ الاڭى ورناتىلعان. پاندۋستاردىڭ ارقاسىندا بۇل ورىن مۇمكىندىگى شەكتەۋلى ادامدار ءۇشىن قولجەتىمدى بولادى.
باقىتجان ساعىنتايەۆ №128 مەكتەپتىڭ سپورتتىق ينفراقۇرىلىمىن مودەرنيزاسيالاۋ بارىسىن كوردى. مۇندا قازىرگى زامانعى اشىق سپورت الاڭدارىنان وزگە، جىل بويى قولجەتىمدى جابىق فۋتبول الاڭدارى سالىنۋدا.
الماتى اكىمى جاڭا Holiday Inn Express قوناق ءۇيى مەن دەمالۋشىلار مەن تۋريستەرگە جايلى جاعداي جاسالعان ايۋساي ۆيزيت ورتالىعىنىڭ ينفراقۇرىلىمىن تەكسەردى.
