الاتاۋ اۋدانىنا قاراستى ايگەرىم ىقشاماۋدانى مەن اۋەزوۆ اۋدانىنىڭ 3ء-شى ىقشاماۋدانىندا سپورتشىلار رەسپۋبليكالىق جانە حالىقارالىق جارىستارعا دايىندالادى. استانا كۇنى مەن ق ر تاۋەلسىزدىگىنىڭ 30 جىلدىعىن مەرەكەلەۋ قارساڭىندا قالادا جاڭا جەكپە-جەك ورتالىعى مەن "بوكس الەمى"سپورت كەشەنى اشىلدى.
الماتى قالاسىنىڭ اكىمى باقىتجان ساعىنتايەۆ مەگاپوليستى "شەتسىز قالا" قاعيداتى بويىنشا دامىتۋعا ەرەكشە نازار اۋدارادى. بۇل تاريحي ورتالىق پەن وعان قوسىلعان اۋدانداردى دامىتۋ. سوندىقتان الماتىنىڭ جاڭا ىقشاماۋداندارىندا الەۋمەتتىك ماڭىزى بار نىساندار، سونىڭ ىشىندە سپورت مەكەمەلەرى سالىنۋدا. ب. ساعىنتايەۆتىڭ ايتۋىنشا، ورتالىق پەن شالعاي اۋدانداردىڭ بارلىق تۇرعىندارى جوعارى ءومىر ساپاسىنا قول جەتكىزۋگە تەڭ مۇمكىندىككە يە بولماق.
قازاقستان ءۇشىن ايتۋلى مەرەكە قۇرمەتىنە الماتىنىڭ الاتاۋ اۋدانىندا جەكپە-جەك ورتالىعى اشىلدى. ءىس-شارا سانيتارلىق-ەپيدەميولوگيالىق تالاپتاردى ساقتاي وتىرىپ ءوتتى. وعان اۋدان اكىمدىگىنىڭ وكىلدەرى، اتاقتى سپورتشىلار، اۋداننىڭ قۇرمەتتى تۇرعىندارى قاتىستى.
الماتى ءماسليحاتىنىڭ دەپۋتاتى قايرات قۇدايبەرگەن ايگەرىم ىقشاماۋدانىنداعى جەكپە-جەك ورتالىعى جاتتىعۋ بازاسىن قۇرۋعا جانە سپورتشىلاردى دايىنداۋعا جاعداي جاساۋعا مۇمكىندىك بەرەتىنىن ايتتى.
"ەلباسى قازاقستاندا سپورتتى دامىتۋعا ەرەكشە ءمان بەرەدى. تاۋەلسىزدىك العان كۇننەن باستاپ الماتىدا زاماناۋي سپورت نىساندارى، سپورت زالدارى، فيتنەس ورتالىقتار سالىنۋدا. اۋلا كلۋبتارى ۇيىمداستىرىلۋدا. بۇل جىل سايىن سپورتپەن شۇعىلدانعىسى كەلەتىندەردىڭ كوبەيۋىنە ىقپال ەتەدى. ەندى مۇندا بالالار مەن جاسوسپىرىمدەردىڭ ۋاقىتىن ءتيىمدى وتكىزە الاتىنى قۋانتادى"، – دەدى ق.قۇدايبەرگەن.
جەكپە-جەك ورتالىعىنا ءبىرىنشى دارەجەلى ساناتتاعى جانە از قامتىلعان كوپ بالالى وتباسىدان شىققان بالالار قاتىسا الادى. مۇندا قازاقشا كۇرەس، سامبو، دجيۋ-دجيتسۋ بويىنشا سپورتتىق سەكسيالار وتەدى.
"وتكەن جىلى اۋدانىمىزدا 15 سپورت الاڭى، 6 فۋتبول الاڭى مەن جاتتىعۋ الاڭدارى اشىلدى. بيىل الماتى قالاسىنىڭ اكىمى باقىتجان ساعىنتايەۆتىڭ قولداۋىمەن بۇل جۇمىس جالعاسىن تاپتى. 35 سپورت نىسانى اشىلدى. سونىڭ ىشىندە سپورت، ۆوركاۋت الاڭدارى، جەكپە-جەك ورتالىعى بار. قالا كۇنىنە دەيىن ءبىرقاتار باسقا نىساندار پايدالانۋعا بەرىلەدى"، – دەدى الاتاۋ اۋدانى اكىمدىگى.
اۋەزوۆ اۋدانىندا اشىلعان "بوكس الەمى" سپورت كەشەنى قازاقستاندىق بوكسشى، وليمپيادا چەمپيونى بەكزات ساتتارحانوۆتىڭ ەسىمىمەن اتالادى.
"بوكس الەمى" سپورت كەشەنى 3ء-شى شاعىناۋداندا ورنالاسقان جانە 2021-2025 جىلدارعا ارنالعان "دەنى ساۋ ۇلت" ۇلتتىق جوباسى اياسىندا اشىلعان. مۇندا شامامەن 50 بالا جاتتىعاتىن بولادى. از قامتىلعان ءارى كوپ بالالى وتباسىلاردان شىققان بالالار ءۇشىن تەگىن سەكسيالار جۇمىس ىستەيدى.
"بۇگىن بىزدە قوس مەرەكە - ق ر تاۋەلسىزدىگىنىڭ 30 جىلدىعى مەن استانا كۇنى. ەندى اۋەزوۆ اۋدانىندا بولاشاق وليمپيادا چەمپيوندارى جاتتىعاتىن تاعى ءبىر ورىن بار. ءبىزدىڭ اۋداننىڭ بوكسشىلارى دايىندالاتىن ارنايى بازاعا يە بولا وتىرىپ، ەڭ ۇزدىك كورسەتكىشتەرگە جانە ءىرى جارىستاردا جارقىن جەڭىستەرگە قول جەتكىزە الادى دەپ ويلايمىن"، – دەدى اۋدان اكىمدىگى.
ورتالىق ديرەكتورى ب. سىرلىبايەۆ بوكس زالى بارلىق زاماناۋي تالاپتارعا جاۋاپ بەرەتىنىن، سونداي-اق سوققىلاردى پىسىقتاۋعا قاجەت بارلىق قۇرال-جابدىقتاردىڭ بار ەكەنىن اتاپ ءوتتى.