قالامىزدىڭ بارلىق اۋداندارىندا مەرەكەلىك شارالار وتكىزىلۋدە
الماتىنىڭ بارلىق اۋداندارىندا مەرەكەلىك كونسەرتتەر وتۋدە. ەلوردانى تۋعان كۇنىمەن ەڭ ءبىرىنشى بولىپ بالالار قۇتتىقتادى، دەپ حابارلايدى Almaty-akshamy.kz.
ورتالىق مادەنيەت جانە دەمالىس پاركىندە شىعارماشىلىق ۇجىمداردىڭ ۇلكەن كونسەرتى ءوتتى. اسپان استىنداعى اشىق ساحنادا جاس ونەرپازدار قازاقشا، ورىسشا، اعىلشىنشا اندەر شىرقاپ، ۇلتتىق اسپاپتاردا وينادى، بي بيلەدى.
مەدەۋ اۋدانىنىڭ بەلسەندى زەينەتكەرلەرى ايتۋلى مەرەكەنى ۇمىتقان جوق. بالالار ساحنادا ونەر كورسەتسە، ۇلكەندەر جاعى جاس ونەرپازداردى قولداپ، بىرگە ءان سالىپ، بي بيلەدى.
«ءبىزدىڭ اۋداندا 28 مىڭ زەينەتكەر تۇرادى، ءبارى شەتىنەن بەلسەندى، مۇنداي شارالاردى جىبەرمەيدى. وسىنداي مەرەكەلەردى قۋانا تويلايمىز. مىسالى، كەشە ورتالىق مەملەكەتتىك مۋزەيدە بولدىق. بۇدان بولەك، ءوز بەتىمىزشە وقۋدى دا ۇمىتپايمىز. ءتۇرلى تىلدەردى مەڭگەرىپ، كومپيۋتەر كۋرستارىنا بارامىز، جاڭا تەحنولوگيالاردى يگەرۋگە تىرىسامىز»، – دەدى مەدەۋ اۋدانى ارداگەرلەر كەڭەسى ءتوراعاسىنىڭ ورىنباسارى دينا بايسەيىت.
اۋداندا توعىز ۇلى وتان سوعىسى ارداگەرى تۇرادى. بارلىعىنىڭ جاعدايى جاقسى، ءبىراق كونسەرتتەرگە قاتىسا المايدى. جاسى توقساندى ەڭسەرگەن ولارعا بۇل قيىنعا سوعاتىنى انىق. ال سوعىس ارداگەرىنە تەڭەستىرىلگەن راحىمجان نۋپتەكەيەۆ كونسەرتكە مىندەتتى تۇردە قاتىستى.
«استانا كۇنى – ۇلكەن مەيرام. بارلىعىمىز نۇر-سۇلتان قالاسىن جاقسى كورەمىز، بىرنەشە مارتە ەلوردادا بولعانبىز. وسىناۋ ايتۋلى مەيرامدا بارشاعا اشىق اسپان، مول جاقسىلىق تىلەيمىن»، – دەدى الماتىلىق ارداگەر.
مەيرامدى تويلاۋعا كەلگەن بالالار كونسەرت تاماشالاپ قانا قويماي، اسفالتتە سۋرەت سالۋ كونكۋرستارىنا دا قاتىستى.