الماتىدا كۇزگى كەزەڭدە وتاندىق فيلمدەردىڭ اشىق اسپان استىنداعى تەگىن كورسەتىلىمدەرى جالعاسادى، دەپ حابارلايدى aqshamnews.kz
جىل سايىن جاز ماۋسىمىندا قالا ەرىكتىلەرى جاستار ساياساتى باسقارماسىنىڭ قولداۋىمەن فيلمدەر كورسەتىلىمدەرىن ۇيىمداستىرادى. بۇل وتباسىمەن قىزىقتى ۋاقىت وتكىزۋگە جانە وتاندىق كينويندۋستريامەن جاقىنىراق تانىسۋعا تاماشا مۇمكىندىك.
بيىل كورسەتىلىمدەرگە «ۇلتتىق كينونى قولداۋ مەملەكەتتىك ورتالىعى» اق قولداۋ كورسەتىپ، قازاقستاندىق رەجيسسەرلەردىڭ فيلمدەرىن تەگىن ۇسىندى. سونىمەن قاتار، كىشكەنتاي كورەرمەندەر ءۇشىن سۇيىكتى بالالار مۋلتفيلمدەرىنىڭ كورسەتىلىمدەرى ۇيىمداستىرىلدى. بارلىعى 10 000-نان استام ادامعا 50-دەن استام كورسەتىلىم وتكىزىلدى.
فيلمدەردىڭ اپتا سايىنعى كورسەتىلىمدەرى قالانىڭ 8 اۋدانىندا وتەدى جانە اۋا رايى اشىق بولعانشا جالعاسادى.
فيلمدەردىڭ كەستەسىن اۋدانىڭىزداعى كوميۋنيتي-ورتالىقتان https://www.instagram.com/birgemiz.almaty پاراقشاسىنان نەمەسە Call-ورتالىقتىڭ +7 747 821 6478 ءنومىرى ارقىلى بىلۋگە بولادى.