اسا ءىرى مولشەردە ەسىرتكى كونترابانداسىنىڭ جولى كەسىلدى.
بۇل قىلمىستى قارجى مونيتورينگ اگەنتتىگىنىڭ الماتى قالاسى بويىنشا دەپارتامەنتى قالانىڭ اۆياسيالىق كولىك پروكۋراتۋراسىمەن بىرلەسىپ اشتى، دەپ حابارلايدى Almaty-akshamy.kz. Egemen.kz-كە سىلتەمە جاساپ.
«وسى جىلدىڭ 2 قازانىندا الماتى قالاسىندا قىزمەتتىك-ىزدەستىرۋ ءيتىنىڭ كومەگىمەن جەدەل ىزدەستىرۋ ءىس-شارالارىن جۇرگىزۋ كەزىندە اقش-تان پوشتا جونەلتىلىمدەرىن العاننان كەيىن جالپى سالماعى 648،98 گر «ماريحۋانا»، سونداي-اق جالپى سالماعى 675،65 گر «گاشيش» ەسىرتكى زاتتارى تابىلىپ، تاركىلەنگەن الماتى قالاسىنىڭ تۇرعىندارى ۇستالدى»، - دەدى ۆەدومستۆودان.
اتالعان ادامدار Telegram مەسسەندجەرى ارقىلى قازاقستان اۋماعىندا ەسىرتكى ساتۋدى جوسپارلاعان. ءتىنتۋ بارىسىندا ەلەكتروندىق تارازىلار مەن ولشەپ وراۋعا قاجەتتى باسقا دا قۇرالدار تابىلدى.
ءقازىر تەرگەۋ جۇرگىزىلىپ جاتىر، كۇدىكتى ۋاقىتشا ۇستاۋ يزولياتورىنا قامالدى.
وزگە اقپارات ق ر قپك 201-بابى تارتىبىندە تەرگەۋ مۇددەسىندە جاريا ەتىلمەيدى.