كۇن جىلىنا باستاعاندا، ەرىگەن قار جانە جاڭبىر سۋلارىنىڭ ەش كەدەرگىسىز اعىپ كەتۋى ءۇشىن اۋدان اكىمدىكتەرىنىڭ مەردىگەر كاسىپورىندارى ارىق جەلىلەرىن جاپپاي تازارتۋ جۇمىستارىن باستادى، دەپ حابارلايدى اlmaty-akshamy.kz.
6 اقپانداعى جاعداي بويىنشا، جوسپارلانعان 1329 شاقىرىمنىڭ 626 شاقىرىمى قاردان، مۇزدان، لاي مەن قوقىستان تازارتىلدى. كۇن سايىن 82 بىرلىك تەحنيكا جانە 299 جۇمىسشى جۇمىلدىرىلۋدا. جۇمىستار 25-28 اقپاندا اياقتالادى. ەسكە سالساق، قالا اۋماعىندا بارلىعى 1525 شاقىرىم ارىق جەلىلەرى بار.
بۇعان دەيىن بەلگىلى بولعانداي، الماتى قالاسى بويىنشا سۋ باسۋدىڭ نەگىزگى فاكتورى ارىق جەلىسى جاڭبىر مەن ەرىگەن سۋ اعىنىنا قارسى تۇرا المايدى، ال كوللەكتورلىق-درەناج جۇيەسى مۇلدەم جوق. سونداي-اق نوسەر جەلىلەرى دە جوق، كوللەكتورلار مەن ارىقتار قوقىستارمەن بىتەلىپ قالعان، كارىزگە قوسىلماعان.
سۋ تاسقىنىن جويۋ ماقساتىندا قالا اكىمىنىڭ تاپسىرماسى بويىنشا ەكولوگيا جانە قورشاعان ورتا باسقارماسى الماتىدا جاۋىن-شاشىن كەزىندە ۇنەمى سۋ باسىپ قالاتىن ۋچاسكەلەرگە تالداۋ جۇرگىزدى. ناتيجەسىندە بارلىعى 102 ايماق انىقتالدى، ونىڭ ىشىندە 56 ۋچاسكەنى سۋ باسىپ قالۋى مۇمكىن. سوندىقتان اپاتتى قالپىنا كەلتىرۋ جۇمىستارىن دەرەۋ جۇرگىزۋ قاجەت.
56 ۋچاسكەدەگى سۋ تاسقىنىن جويۋ ماسەلەلەرىن شەشۋ ءۇشىن 12 كوللەكتور مەن 4 ارنا (رەكونسترۋكسيالاۋ جانە سالۋ) قالپىنا كەلتىرىلۋى ءتيىس. قالا بويىنشا 2022 جىلى اپاتتى قالپىنا كەلتىرۋ جۇمىستارى اياسىندا 72 ۋچاسكەدە جۇمىستار باستالدى. ونىڭ ىشىندە بۇگىندە 63 ۋچاسكەدەگى جۇمىستار اياقتالدى (89%). وسى جۇمىستار اياسىندا ۇزىندىعى 18،7 كم 12 سۋ بۇرۋ كوللەكتورى قالپىنا كەلتىرىلدى، جالپى ۇزىندىعى 11،2 كم 8 كانال سالىندى جانە 2 كانال قالپىنا كەلتىرىلدى، 7 كم ارىق جەلىلەرى قايتا جاڭارتىلدى جانە سالىندى، 15 قۇبىرلى وتكەل رەكونسترۋكسيالاندى، 1،4 كم وزەن ارنالارىنىڭ جاعالاۋى كۇشنيتىلدى. جالپى، جۇمىستاردىڭ 89%-ى ورىندالدى.
ايتا كەتەرلىگى، 2022 جىلدىڭ كۇزگى كەزەڭىندە جۇرگىزىلگەن جۇمىستاردىڭ قورىتىندىسى بويىنشا اتالعان ۋچاسكەلەردە سۋ تاسقىنى تىركەلمەگەن.