قور نارىعىندا دوللار باعامى ءوستى.
دوللاردىڭ تەڭگەگە شاققانداعى باعامى ازداپ كوتەرىلدى، دەپ حابارلايدى Almaty-akshamy.kz
قازاقستان قور بيرجاسىنىڭ مالىمەتى بويىنشا، كۇندىزگى ساۋدانىڭ قورىتىندىسى بويىنشا دوللاردىڭ ورتاشا سارالانعان باعامى 0،09 تەڭگەگە كوتەرىلىپ، 468،24 تەڭگەنى قۇرادى. ايتا كەتەيىك، ۇلتتىق بانكتىڭ 16-19 جەلتوقسانداعى ءبىر دوللارعا ارنالعان رەسمي باعامى 468،56 تەڭگەنى قۇرادى.
Kurs.kz حابارلاعانداي، ءدال ءقازىر استانانىڭ اقشا ايىرباستاۋ ورىندارىندا امەريكالىق ۆاليۋتا ورتا ەسەپپەن 467،62 تەڭگەدەن ساتىپ الىنىپ، 470،77 تەڭگەدەن ساتىلۋدا. الماتىنىڭ اقشا ايىرباستاۋ ورىندارىندا دوللاردى ورتاشا ساتىپ الۋ – 469،40 تەڭگە، ساتۋ – 472،68 تەڭگە.