الماتىدا اپتاپ ىستىق

توتەنشە جاعدايلار دەپارتامەنتى ەسكەرتۋ جاسادى.

"قازگيدرومەت" رمك  الماتىدا 26 ماۋسىمدا 35 گرادۋسقا دەيىن اپتاپ ىستىق بولادى دەپ بولجادى، دەپ حابارلايدى Almaty-akshamy.kz

توتەنشە جاعدايلار دەپارتامەنتى قالا تۇرعىندارى مەن قوناقتارىن كۇن ساۋلەسiنiڭ اسەرiنەن ساقتانۋ ءۇشiن سەرۋەنگە شىقپاۋدى ەسكەرتتى.

ۆەدومستۆو مىنا قاۋىپسىزدىك شارالارىن ساقتاۋدى ۇسىنادى:

كۇن ساۋلەسى تىكەلەي تۇسەتىن جەرلەردە مۇمكىندىگىنشە از بولۋعا تىرىسىڭىز. ەسىڭىزدە بولسىن، ساعات 12: 00-دەن 16: 00-گە دەيىنگى ۋاقىتتا كۇننىڭ ساۋلەسى بەلسەندى بولادى. دەنەنى كۇن ساۋلەسىنەن قورعاپ، جابىق كيىم كيۋگە تىرىسىڭىز جانە كۇننەن قورعايتىن سىقپا مايلار قولدانىڭىز؛

الكوگولدى ىشىمدىك ىشپەڭىز – الكوگول ىستىقتا اعزاعا تەز اسەر ەتەدى؛

سۇيىقتىقتى (سالقىنداتىلعان سۋ، مينەرالدى سۋ) مۇمكىندىگىنشە كوپ ىشۋگە تىرىسىڭىز؛

دەنەگە سالماق تۇسىرمەڭىز. قاتتى جۇكتەمە ىستىقتا جىلۋ الماسۋدى ارتتىرادى دا اعزانى سۋسىزدانۋعا اكەلىپ سوقتىرادى؛

اۆتو كولىكتەرمەن ۇزاق ساپارلاردى شەكتەۋىڭىز كەرەك، ەگەر بۇل مۇمكىن بولماسا، جولدا مۇمكىندىگىنشە اباي بولىڭىز، سەبەبى، قاتتى ىستىقتان ادام ءوزىن ءوزى ناشار سەزىنۋى مۇمكىن جانە رەاكسيا تومەندەيدى. بالالاردى اۆتو كولىكتەردىڭ ىشىنە از ۋاقىتقا بولسا دا قالدىرماڭىز. قاتتى ىستىقتان بالا ەسىنەن تانىپ قالۋى مۇمكىن.