قاۋىپسىزدىكتى باقىلاۋ جانە اپاتتى اعاشتار ماسەلەسىن شەشۋدىڭ جاڭا تەحنولوگيالارى: بيىل قالا اكىمدىگى ءقاۋىپتى، شىرىگەن جانە ەسكى جاسىل جەلەكتەردى ۋاقتىلى جويۋ جانە انىقتاۋ ءۇشىن ءتيىستى قۇرىلعىلار ساتىپ الادى. جاسىل قوردى جاڭارتۋعا قاراجات الماتى قالاسىنىڭ دامۋ جوسپارىنا سايكەس جوسپارلانۋدا.
الماتىنىڭ جاسىل قالا اتاۋىن قايتارۋ ءۇشىن جۇمىس جوسپارلى تۇردە جۇرگىزىلۋدە. اپاتتى اعاشتار كەسىلىپ، جويىلعان اعاشتاردىڭ ورنىنا 10 جاس اعاش وتىرعىزىلادى. بيىل، مىسالى، قالا تۇرعىندارى مەن ولاردىڭ مۇلكىنىڭ قاۋىپسىزدىگى ءۇشىن 17 مىڭعا جۋىق اعاش كەسىلەدى. وزەگىنىڭ جانە تامىرىنىڭ ءشىرۋى سالدارىنان ولار كەز-كەلگەن ۋاقىتتا ءوتىپ بارا جاتقان ادامدارعا قۇلاپ كەتۋى مۇمكىن.
ءبىرىنشى كەزەكتە بالاباقشالار، مەكتەپتەر، اۋرۋحانالار مەن مەملەكەتتىك مەكەمەلەردىڭ جانىنداعى ماگيسترالدىق كوشەلەرگە قىزمەت كورسەتىلەدى. اعاشتاردى كەسۋ ءتىزىمى قالالىق ەكولوگيا جانە قورشاعان ورتا باسقارماسىمەن، سونداي-اق تۇرعىندار مەن قوعام بەلسەندىلەرىنىڭ وتىنىمدەرى بويىنشا قالىپتاستىرىلادى.
بيىل اپاتتى اعاشتاردى كەسۋ جۇمىستارىنا 35-تەن استام تەحنيكا – اۆتوكوتەرگىشتەر، ساموسۆالدار جانە 180-دەن استام ادام جۇمىلدىرىلدى. ىقتيمال ءقاۋىپتى اعاشتاردى انىقتاۋ كەزىندە ينستيتۋتتاردىڭ عىلىمي قىزمەتكەرلەرىن تارتا وتىرىپ، تالداۋ جۇرگىزىلەدى. جاقىندا تەحنولوگيا جۇمىستى جەڭىلدەتەتىن بولادى.
سونىمەن، رەزيستوگراف قۇرىلعىسى اعاشتارداعى شىرىگەن جەرىن جانە ىشكى ويىقتارىن انىقتاي الادى. ال يمپۋلستىك توموگراف تامىر جۇيەسىنىڭ زاقىمدانۋىن جانە اعاشتىڭ ناقتى كۇيى مەن ومىرشەڭدىگىن انىقتايدى.
قۇرىلعىلار اپاتتى اعاشتاردى كەسۋ پروسەسىندە وتە ءتيىمدى، بۇل كەيىننەن قالاداعى جازاتايىم وقيعالاردىڭ الدىن الۋعا، سونداي-اق قالا ينفراقۇرىلىمى مەن ازاماتتاردىڭ مۇلكىنە زيان كەلتىرمەۋگە ىقپال ەتەدى.