«التىن جاس» باعدارلاماسىن ىسكە اسىرۋ 2024 جىلدان 2028 جىلعا دەيىن جوسپارلانعان. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسىنىڭ مانساپ ورتالىعىنىڭ باسشىسى ادىلەت جاڭابايەۆ ايتتى، دەپ حابارلايدى almaty-akshamy.kz
باعدارلاماعا زەينەتكەرلىك جاستاعى ادامدار (61 جاسقا تولعان ايەلدەر، ەرلەر 63 جاستان) قاتىسا الادى.
«بۇل باعدارلاما زەينەتكەرلىك جاستاعى ادامداردى جۇمىسقا تارتۋ، ولاردىڭ بەلسەندى فيزيكالىق جانە ەموسيونالدىق جاعدايىن قولداۋ، ەڭبەككە قابىلەتتى حالىق سانىن جانە تالىمگەر ءرولىن ارتتىرۋ بويىنشا تەڭ جاعداي جاساۋعا ارنالعان»، – دەدى ادىلەت جاڭابايەۆ.
باعدارلاماعا الماتى قالاسىندا تىركەلگەن جانە تۇراتىن زەينەت جاسىنداعىلار، سونداي-اق مەنشىك نىسانىنا قاراماستان الماتى قالاسىنىڭ جۇمىس بەرۋشىلەرى قاتىسادى.
«زەينەتكەرلىك جاستاعى ادامداردىڭ جالاقىسى جۇمىس بەرۋشىلەردىڭ قاراجاتى ەسەبىنەن بەلگىلەنگەن جالاقىنىڭ 50%-دان كەم ەمەس مولشەرىندە جانە جەرگىلىكتى بيۋدجەت قاراجاتىنان 50% مولشەرىندە سۋبسيديالاۋ، ءبىراق 1 ەتج نەمەسە 85 مىڭ تەڭگەدەن اسپايتىن مولشەردە جۇرگىزىلەتىن بولادى»، - دەپ ناقتىلادى ا.جاڭابايەۆ.
باعدارلاماعا قاتىسۋ 36 ايدان اسپايدى جانە ەڭبەك قاتىناستارىن مەرزىمىنەن بۇرىن توقتاتۋ مۇمكىندىگى بار.
باعدارلاما 2024 جىلدان 2028 جىلعا دەيىنگى كەزەڭگە ارنالعان.
«2024 جىلى كەمىندە 500 ادام، 2025 جىلى – 1000 ادام، 2026 جىلى – 1500 ادام قامتىلادى»، – دەدى ا.جاڭابايەۆ.
جۇمىس بەرۋشى a.jas@almaty.gov.kz ەلەكتروندىق پوشتا ارقىلى بوس جۇمىس ورنىن كورسەتە وتىرىپ، ءوتىنىم بەرەدى جانە ونى «زەينەتكەر ءۇشىن» بەلگىسىمەن Enbek.kz ەلەكتروندىق ەڭبەك بيرجاسىنىڭ ونلاين سەرۆيسىنە ورنالاستىرادى.
زەينەت جاسىنداعى ادام جۇمىسقا ورنالاسۋ تۋرالى وتىنىشپەن الماتى قالاسىنىڭ مانساپ ورتالىعىنا دوستىق داڭعىلى، 85، 2 قابات، 201 ا كاب. نەمەسە ەلەكتروندىق پوشتا ارقىلى a.jas@almaty.gov.kz جۇگىنە الادى.
مانساپ ورتالىعى قالانىڭ 8 اۋدانىندا جۇرگىزىلەتىن اتاۋلى الەۋمەتتىك كومەك تاعايىنداۋعا قۇجاتتاردى قابىلداۋدى جۇزەگە اسىرادى. جان باسىنا شاققانداعى ورتاشا تابىسى كەدەيلىك شەگىنەن تومەن از قامتىلعان تۇلعالاردىڭ ااك-كە قۇقىعى بار (بۇگىنگى تاڭدا ەڭ تومەنگى كۇنكورىس دەڭگەيى 50 941ء-دىڭ 70% - ى 35 659 تەڭگە). جىل باسىنان بەرى 9 938 وتباسى (37 922 ادام) جاردەماقى تاعايىنداۋعا ءوتىنىش بەردى، ونىڭ ىشىندە 2 526 وتباسىنا (12 808 ادام) تاعايىندالدى.
وكق سپيكەرى مانساپ ورتالىعىنىڭ تۇراقتى جۇمىس ورىندارىنا جۇمىسقا ورنالاسۋ بويىنشا جۇمىس بەرۋشىلەرمەن ءوزارا ءىس-قيمىل جونىندەگى جۇرگىزىپ جاتقان جۇمىسىنا توقتالدى.
ورتالىق جۇمىس بەرۋشىلەرمەن كانديداتتاردى ىرىكتەۋ جانە ماقساتتى كوزقاراس قاعيداتى بويىنشا ءوزارا ءىس-قيمىل جاسايدى.
«بۇگىنگى تاڭدا ەلەكتروندىق ەڭبەك بيرجاسىندا جۇمىس بەرۋشىلەر 4 805 جۇمىس ورنىنا 2 213 بوس جۇمىس ورنى بويىنشا حابارلاندىرۋلار ورنالاستىردى. اعىمداعى جىلدىڭ باسىنان بەرى 30 994 ادام جۇمىسقا ورنالاستىرىلدى: ونىڭ ىشىندە 21 470 ادام تۇراقتى جۇمىسقا، 9 171 ادام سۋبسيديالاناتىن جۇمىس ورىندارىنا»، – دەپ اتاپ ءوتتى ادىلەت جاڭابايەۆ.
ونىڭ ايتۋىنشا، ازاماتتار مەن جۇمىس بەرۋشىلەرگە ىڭعايلى بولۋ ءۇشىن 2023 جىلدان باستاپ مەملەكەتتىك قىزمەتتەردىڭ 100% - ى ەلەكتروندىق فورماتقا كوشتى.
بۇگىنگى تاڭدا بارلىق قىزمەتتەر ونلاين فورماتتا ۇسىنىلادى، بۇل-جۇمىس ىزدەۋشىنى جۇمىسسىز رەتىندە تىركەۋ جانە جۇمىسپەن قامتۋعا جاردەمدەسۋدىڭ بەلسەندى شارالارىنا جولداما الۋ، جۇمىس بەرۋشى ءۇشىن بۇل-بوس جۇمىس ورىندارىن ورنالاستىرۋ، كادرلاردى ىرىكتەۋ، بەلسەندى شارالارعا قاتىسۋعا وتىنىمدەر بەرۋ، جۇمىسپەن قامتۋ بويىنشا ءتۇرلى ەسەپتىلىكتى تاپسىرۋ جانە ت. ب.
پروباسيا قىزمەتىندە ەسەپتە تۇرعاندار، مۇگەدەكتىگى بار ادامدار، جەتىم بالالار، ايەلدەر، اليمەنت بويىنشا بەرەشەگى بار ازاماتتار جانە ت. ب. سياقتى ازاماتتاردىڭ جەكەلەگەن ساناتتارىنىڭ كۆوتالاناتىن جۇمىس ورىندارىنا جۇمىسقا ورنالاسۋىنا ەرەكشە نازار اۋدارىلادى.
انىقتاما:
- 2024 جىلعا مۇگەدەكتىگى بار ادامدار ءۇشىن كۆوتا 2908 ورىندى قۇرايدى. 2024 جىلعى ماۋسىمعا 1526 ادام جۇمىسقا ورنالاستىرىلدى، ەمو-گە 1749 مبا جۇگىندى، ونىڭ ىشىندە 707 ادام جۇمىسقا ورنالاستىرىلدى؛
- پروباسيا قىزمەتىندە جانە بباو-دا ەسەپتە تۇرعان ادامدار-245 ءوتىنىش ءبىلدىردى، ولاردىڭ 56-سى جۇمىسقا ورنالاستىرىلدى؛
-جەتىم بالالار – ءبىر ادام جۇگىندى، جۇمىس ىزدەۋ جالعاسۋدا؛
- ايەلدەر - 21 688 ادام ءوتىنىش ءبىلدىردى، ونىڭ 6 629-ى جۇمىسقا ورنالاستىرىلدى؛
- جاستار -13 980 ادام ءوتىنىش ءبىلدىردى، ونىڭ 4 161ء-ى جۇمىسقا ورنالاستىرىلدى؛
- اليمەنت بويىنشا بەرەشەگى بار ادامدار - 9 ادام ءوتىنىش ءبىلدىردى، ونىڭ ىشىندە 7 ادام ەسەپتە تۇر، جۇمىس ىزدەۋ جالعاسۋدا، 2 ادام ەسەپتەن شىعارىلدى.
جۇمىس ىزدەۋشىلەردى ستيحيالىق «ەڭبەك بيرجالارىنا» تارتۋ ماقساتىندا (سەيفۋللين داڭعىلى، رىسقۇلوۆ داڭعىلى مەن بوكەيحانوۆ كوشەسىنىڭ قيىلىسى، ساين كوشەسى مەن رىسقۇلوۆ داڭعىلىنىڭ قيىلىسى، "الماتى-1" تەمىرجول ۆوكزالى)، بازارلاردا، ادامدار كوپ جينالاتىن ورىنداردا - كارەر ورتالىعىنىڭ قىزمەتكەرلەرى جاستار رەسۋرستىق ورتالىقتارىمەن بىرلەسىپ بوس ورىندار جارمەڭكەلەرىن، كەزدەسۋلەر، جۇمىسقا ورنالاسۋعا جاردەمدەسۋ شارالارى بويىنشا ءتۇسىندىرۋ جۇمىستارىن وتكىزەدى.
اتاپ ايتقاندا، اعىمداعى جىلى «التىن وردا» امبەباپ بازارى اۋدانىنداعى «بارلىق» «باراحولكا»-داعى امبەباپ بازارلار، «سارى ارقا»، «الماتى 1»، شولوحوۆ كوشەسىندەگى بازار، «تۇركسىب» بازارى قامتىلدى.
كاسىپتىك باعدار بەرۋ جۇمىستارى جۇرگىزىلدى، قولدا بار بوس ورىندار ۇسىنىلدى. جۇمىسپەن قامتۋ باعدارلامالارىنا قاتىسۋ مۇمكىندىگى تۋرالى تۇسىنىكتەمەلەر بەرىلدى، جۇمىسقا ورنالاسۋعا جاردەمدەسۋ جانە مەملەكەتتىك قىزمەتتەردى الۋ ماسەلەلەرى بويىنشا كونسۋلتاسيالىق قىزمەتتەر كورسەتىلدى. وتكىزىلگەن ءتۇسىندىرۋ ءىس-شارالارى بارىسىندا جۇمىس ىزدەپ جۇرگەن ادامداردىڭ كوپشىلىگى الماتى قالاسىنىڭ تۇرعىندارى بولىپ تابىلمايتىندىعىن اتاپ ءوتتى.
بۇدان باسقا، ەڭبەك موبيلدىلىگى ورتالىعى ب ا ق، الەۋمەتتىك جەلىلەر ارقىلى جۇمىس ىزدەپ جۇرگەن جاستار مەن جۇمىسسىزدارعا ارنالعان جۇمىسپەن قامتۋدىڭ ىسكە اسىرىلىپ جاتقان باعدارلامالارى تۋرالى تۇراقتى نەگىزدە اقپاراتتىق جۇمىس جۇرگىزۋدە.
ەڭبەك موبيلدىلىگى ورتالىعى كاسىپورىنداردا، وقۋ ورىندارىندا، اۋدان اكىمدىكتەرىندە، سونداي-اق ونلاين رەجيمدە وتكەن 22 بوس ورىندار جارمەڭكەسىن وتكىزۋگە قاتىستى (12 480 ادام قاتىستى، 950 جۇمىس بەرۋشىدەن 7281 بوس جۇمىس ورنى ۇسىنىلدى، 66 ادام جۇمىسقا ورنالاستىرىلدى، 347 ادام جولداما الدى).
اپتا سايىن بىرنەشە گازەتتەردە جۇمىس بەرۋشىلەردىڭ بوس ورىندارى جاريالانادى.
بارلىق سۇراقتار بويىنشا دوستىق داڭعىلى، 85 مەكەنجايىنداعى مانساپ ورتالىعىنا، «الەۋمەتتىك قىزمەتتەر ءۇيى» نەمەسە 310-47-82 ءبىرىڭعاي ءنومىرى بويىنشا حابارلاسۋ قاجەت. تولىق اقپاراتتى مانساپ ورتالىعىنىڭ الەۋمەتتىك جەلىلەرىنەن @ctm_almaty تابۋعا بولادى.