ول ۋاقىتشا ۇستاۋ يزولياتورىنا قامالدى.
الماتىدا ايەلدەرگە شابۋىل جاساپ، القا ۇرلاۋدى كاسىپ ەتكەن ۇرى قولعا ءتۇستى، – دەپ حابارلايدى Almaty-akshamy.kz
Polisia.kz. مالىمەتىنە سايكەس، تەك ايەلدەرگە شابۋىل جاساپ، مويىندارىنداعى القانى ۇرلاۋدى قولجەتىمدى تابىس تۇرىنە اينالدىرعان 42 جاستاعى ەر ادام قولعا ءتۇستى. 1981 جىلى تۋعان ك.ەسىمدى ازاماتقا قاتىستى 9 توناۋ دەرەگى بويىنشا ايىپ تاعىلىپ وتىر. كۇدىكتى ق ر قپك-نىڭ 128-بابىنا سايكەس ۋاقىتشا ۇستاۋ يزولياتورىنا قامالدى. ونىڭ ارەكەتى ق ر قك-نىڭ 191-بابى 3-بولىگىمەن (توناۋ) كۆاليفيكاسيالانادى.
«ەپيزودتاردىڭ بىرىندە جەتىسۋ-3 ىقشاماۋدانىندا كۇدىكتى بەلگىسىز قىزدىڭ سوڭىنان ەرىپ، وعان شابۋىل جاساپ، التىن القانى يەمدەنىپ، قىلمىس ورنىنان بوي تاسالاعان. جابىرلەنۋشى ماتەريالدىق شىعىندى 250 مىڭ تەڭگەگە باعالاعان. بۇگىندە سوتقا دەيىنگى تەرگەۋ امالدارى جۇرگىزىلىپ جاتىر»، – دەدى اۋەزوۆ اۋداندىق پوليسيا باسقارماسىنىڭ باسشىسى ۇلان ءابىلقايىر.
ق ر قپك-نىڭ 201 بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.