بۇگىن رەسپۋبليكا كۇنىنە وراي بالۋان شولاق اتىنداعى سارايدا (Baluan Sholak Arena) Almaty Sport Fest اتتى اۋقىمدى سپورتتىق باعدارلامادان تۇراتىن فەستيۆال وتۋدە. Almaty Sport Fest فەستيۆالى قالا قوناقتارىن Baluan Sholak Arena، Olimpic Arena جانە ABAI Arena كەشەندەرىندە وتەتىن سپورت سەكسيلارىمەن قۋانتۋدا. سونىمەن قوسا بەلگىلى سپورتشىلار مەن جاتتىقتىرۋشىلار دا شەبەرلىك ساعاتىن وتكىزۋدە.
اتالمىش شارانىڭ نەگىزگى ماقساتى – سپورتتى دامىتۋ جانە وسى كەشەندەردە سپورتپەن اينالىساتىنداردىڭ سانىن ارتتىرۋ. بيىل Baluan Sholak Arena ءوزىنىڭ 55 جىلدىعىن اتاپ وتەدى. وسىنشاما ۋاقىت ىشىندە قانشاما اۋقىمدى سپورتتىق شارالار وتكىزىلگەنى جاسىرىن ەمەس.
قازىرگى تاڭدا Baluan Sholak Arena، Olimpic Arena، ABAI Arena سپورت كەشەندەرىندە 20 سپورت سەكسياسى جۇمىس ىستەيدى. بۇل كورسەتكىش بۇدان دا وسەتىنى انىق. جاقىن ۋاقىتتا جەكە ينۆەستيسيالاردى تارتۋ ارقاسىندا سپورت كەشەنىنىڭ استىڭعى جانە ءۇشىنشى، ءتورتىنشى قاباتتارىندا جاڭا سەكسيالار اشىلماق. سپورت كەشەنىندە سپورتپەن اينالىسۋعا، جاتتىعۋلار جاساۋعا بارلىق جاعداي جاسالعان.