الماتى اكىمدىگى مەن باسەكەلەستىكتى قورعاۋ جانە دامىتۋ اگەنتتىگى شجق «الماتى قالا جارىق» مكك-نىڭ كوممۋنالدىق مەنشىگىنە قايتارۋ بويىنشا بىرلەسكەن جۇمىس جۇرگىزدى، دەپ حابارلايدى Almaty-akshamy.kz
كومپانيا قالانىڭ سىرتقى جارىقتاندىرۋ جۇيەلەرىن اۆتوماتتاندىرىلعان جانە ورتالىقتاندىرىلعان باسقارۋعا جاۋاپ بەرەدى.
2021 جىلدىڭ جەلتوقسان ايىنىڭ سوڭىندا الماتى قالاسى اكىمدىگىنىڭ قاۋلىسىمەن تەندەر ارقىلى «الماتى قالا جارىق» شجق مكك جۇزەگە اسىرىلدى. «ABM Group.com» ج ش س جەڭىمپاز دەپ تانىلدى. مامىلە 4،6 ملرد تەڭگەنى قۇرادى، بولجامدى قۇنى 14،8 ملرد تەڭگە.
باسەكەلەستىكتى قورعاۋ جانە دامىتۋ اگەنتتىگىنىڭ الماتى قالاسى بويىنشا دەپارتامەنتى 2020-2021 جىلدارعا ارنالعان قالانىڭ سىرتقى جارىقتاندىرۋ جۇيەلەرىن اۆتوماتتاندىرىلعان ورتالىقتاندىرىلعان باسقارۋدى ۇسىنۋ بويىنشا قىزمەتتەردى كورسەتۋ نارىعىنداعى باسەكەلەستىك جاعدايىنا تالداۋ جۇرگىزدى. وسى نارىقتا «الماتى قالا جارىق» شجق مكقك-نىڭ ۇلەسى بار. بۇل ۇيىمنىڭ مونوپوليالىق جاعدايعا يە ەكەندىگى انىقتالدى.
ق ر «مەملەكەتتىك مۇلىك تۋرالى» زاڭىنىڭ نورمالارىنا سايكەس، ۇستەم نەمەسە مونوپوليالىق جاعدايعا يە نارىق سۋبەكتىلەرى بولىپ تابىلاتىن ۇيىمداردى جەكەشەلەندىرۋ تۋرالى شەشىمدەر قابىلداۋ ەل ۇكىمەتىنىڭ قۇزىرەتىنە جاتقىزىلعان.
وسىلايشا، الماتى اكىمدىگىنىڭ شجق «الماتى قالا جارىق» مكك-نى جەكەشەلەندىرۋ تۋرالى شەشىمى مەملەكەتتىك مۇلىك تۋرالى زاڭناما نورمالارىنا قايشى كەلەدى جانە باسەكەلەستىكتى شەكتەيدى.
«الماتى قالا جارىقتى» جەكەشەلەندىرۋ ستراتەگيالىق مەملەكەتتىك كاسىپورىننىڭ جوعالۋىنا اكەلۋى مۇمكىن.
وسىعان بايلانىستى الماتى اكىمدىگى قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىنىڭ الماتى قالاسى بويىنشا دەپارتامەنتىنىڭ حابارلاماسى نەگىزىندە «الماتى قالا جارىق» شجق مكك جەكەشەلەندىرۋ تۋرالى شەشىمنىڭ كۇشىن جويۋ شارالارىن قابىلداۋدا.