9-13 قازان ارالىعىندا الماتىدا العاشقى رەت ەۆا كوگاننىڭ 95 جىلدىعىنا ارنالعان «Kazakh Piano Fest – 2023» فورتەپيانو مۋزىكاسىنىڭ حالىقارالىق فەستيۆالى وتەدى.
فەستيۆال اياسىندا قازاقستان، اقش، رەسەي، گرۋزيا، رۋمىنيا جانە گەرمانيادان كەلگەن فورتەپيانو مۋزىكاسىنىڭ ۇزدىك وكىلدەرى ونەر كورسەتەدى. فەستيۆالدىڭ ۇيىمداستىرۋشىلارى – «Art Forum of Kazakhstan» حالىقارالىق شىعارماشىلىق ۇيىمى جانە قۇرمانعازى اتىنداعى قازاق ۇلتتىق كونسەرۆاتورياسى. ءىس-شارانىڭ دەمەۋشىسى - Bank RBK.
فەستيۆال رەگلامەنتى مىناداي ءىس-شارالاردان تۇرادى:
9 قازان، 14:00
باسپا ءسوز كونفەرەنسياسى. كونسەرۆاتوريانىڭ ۇلكەن كونسەرتتىك زالى
9 قازان، 19:00
ەۆا كوگاننىڭ 95 جىلدىعىنا ارنالعان «Kazakh piano fest – 2023» I حالىقارالىق فورتەپيانو مۋزىكا فەستيۆالىنىڭ اشىلۋى. كونسەرۆاتوريانىڭ ۇلكەن كونسەرتتىك زالى
10 قازان، 19:00
«Crescendo» جاس پيانيستەردىڭ كونسەرتى. ا. جۇبانوۆ اتىنداعى كونسەرۆاتوريانىڭ كىشى زالى
11 قازان، 10:00
ۆاديم پالموۆتىڭ شەبەرلىك ءدارىسى. كونسەرۆاتوريانىڭ №204 اۋديتورياسى
11 قازان، 15:00
«قازاقستان مەنىڭ جۇرەگىمدە. كوگان مۋزىكالىق اۋلەتىنە ارناۋ» كىتابىنىڭ اشىلۋ سالتاناتى. كونسەرۆاتوريانىڭ ءماجىلىس زالى
11 قازان، 19:00
ەلەنا ءشيننىڭ «ۇستازدى ەسكە الۋ» فورتەپيانو مۋزىكاسىنىڭ كونسەرتى. ا. جۇبانوۆ اتىنداعى كونسەرۆاتوريانىڭ كىشى زالى
12 قازان، 10:00
مانانا گوسيريدزەنىڭ شەبەرلىك ءدارىسى. ە. كوگان اتىنداعى كونسەرۆاتوريانىڭ №211 فورتەپيانو اۋديتورياسى
12 قازان، 19:00
«قازاق راپسودياسى» فورتەپيانولىق مۋزىكا كەشى. ا. جۇبانوۆ اتىنداعى كونسەرۆاتوريانىڭ كىشى زالى
13 قازان، 10:00
دميتريي نوۆگورودسكييدىڭ شىعارماشىلىق كەزدەسۋى جانە شەبەرلىك ءدارىسى. ك. بايسەيىتوۆا اتىنداعى رممومي-نىڭ ۇلكەن زالى
13 قازان، 19:00
ەۆا كوگاننىڭ 95 جىلدىعىنا ارنالعان «Kazakh piano fest – 2023» I حالىقارالىق فورتەپيانو مۋزىكاسى فەستيۆالىنىڭ سالتاناتتى جابىلۋى كونسەرۆاتوريانىڭ ۇلكەن كونسەرتتىك زالى
«ءبىزدىڭ بانك ءۇشىن اۋقىمدى مۋزىكالىق ءىس-شارالاردى وتكىزۋدى قولداۋ جاقسى داستۇرگە اينالدى، – دەيدى Bank RBK باسقارما ءتورايىمى ناتاليا اكەنتيەۆا، - جاقىندا ءبىز الماتىلىقتارعا وركەسترلەر فەستيۆالىن كورسەتتىك، ول كوپشىلىكتىڭ كوڭىلىنەن شىقتى جانە ءقازىر العاشقى حالىقارالىق فورتەپيانو مۋزىكاسىنىڭ فەستيۆالىنە دەمەۋشى بولدىق. نەلىكتەن كلاسسيكالىق مۋزىكا؟ مەنىڭ ويىمشا، ماسەلە ۇندەستىكتە، ءبىز باسقارۋدىڭ ولشەۋلى ساياساتى بار كلاسسيكالىق بانكپىز، بۇل ءۇمىت پەن ءستيلدى باعالايتىن كليەنتتەر ءۇشىن تارتىمدى ەتەدى. سونىمەن قاتار، ءقازىر بارىمىزگە جاعىمدى ەموسيالار قاجەت، بۇل مىندەتتى الەمنىڭ ۇزدىك پيانيستەرىنىڭ قولىنان كەلەدى. فەستيۆال قاتىسۋشىلارى مەن قوناقتارىنا ساتتىلىك تىلەپ، شالقار شابىت پەن شىعارماشىلىق سەرىك بولسىن دەيمىن».
«قازاقستاندا العاش رەت فورتەپيانو فەستيۆالى ءوتىپ جاتىر. سونىمەن قاتار، حالىقارالىق جوبا ءاربىر قاتىسۋشى مەن تىڭداۋشىنىڭ كاسىبي مارتەبەسىن ارتتىرادى. ءىس-شارانىڭ بۇل اۋقىمى مادەنيەتتىڭ دامۋىنا مۇمكىندىك بەرەدى، ادامنىڭ رۋحاني قازىناسىن كەڭەيتەدى. مادەني بايلانىستار ءارقاشان حالىقتار دوستىعىن نىعايتۋعا ەرەكشە اسەر ەتتى. بۇگىنگى جوبانىڭ قاتىسۋشىلارى دا ەلىمىزدىڭ مۋزىكالىق ءبىلىم بەرۋ ءىسىنىڭ اڭىزى، فورتەپيانو مەكتەبىنىڭ نەگىزىن قالاۋشى، قۇرمانعازى اتىنداعى قازاق ۇلتتىق كونسەرۆاتورياسىنىڭ پروفەسسورى، قازكسر ەڭبەك سىڭىرگەن ءارتىسى، قازاقستاندىق كومپوزيتورلاردىڭ شىعارماشىلىعىن ناسيحاتتاۋشى ەۆا بەنەديكتوۆنا كوگاننىڭ الدىنا قويعان وسى تاپسىرماسىن تولىعىمەن ەڭسەرەتىنە سەنەمىن»، - دەپ جازادى «Art Forum of Kazakhstan» حالىقارالىق شىعارماشىلىق ۇيىمىنىڭ باس ديرەكتورى ەرنازار عيمارات.
***
ب ا ق ءۇشىن بايلانىستار:
«Bank RBK» اق باسپا ءسوز قىزمەتى
تەل.: +7 (727) 330-90-30، ىشكى.: 1518
ۆيكتوريا شەن: shen_v@bankrbk.kz
تەل.: +7 (727) 330-90-30، ىشكى.: 1548
اندرەي ەگورين: yegorin_a@bankrbk.kz
«Art Forum of Kazakhstan» حشۇ باسپا ءسوز قىزمەتى
تەل.: +7 708 271 5127
اياجان باۋىرجان قىزى: aya_news@mail.ru