الماتىداعى «جايلى مەكتەپتە» العاشقى قوڭىراۋ سوعىلدى
بۇگىن 29 مىڭنان استام ءبىرىنشى سىنىپ وقۋشىلارى ءۇشىن العاشقى مەكتەپ قوڭىراۋى سوعىلدى. وقۋ جىلىنىڭ باستالۋىنا وراي سالتاناتتى جيىندار الماتىنىڭ بارلىق مەكتەپتەرىندە تاڭەرتەڭ ءوتتى.
اۋەزوۆ اۋدانىنداعى «جايلى مەكتەپتە» العاش رەت مەكتەپ قوڭىراۋى سوعىلدى. بۇل مەملەكەت باسشىسىنىڭ تىكەلەي تاپسىرماسى بويىنشا ىسكە اسىرىلىپ جاتقان ۇلتتىق جوبا اياسىندا الماتىدا سالىنعان العاشقى زاماناۋي وقۋ ورنى. ول 60 جىل جۇمىس ىستەگەننەن كەيىن اپاتتى دەپ تانىلعان جانە بۇزىلعان №97 مەكتەپ-گيمنازيانىڭ ورنىندا سالىنعان.
الماتى قالاسى اكىمىنىڭ ورىنباسارى اسەم ءنۇسىپوۆا №97 مەكتەپ-گيمنازياسىنىڭ وقۋشىلارى مەن پەداگوگتارىن قۇتتىقتادى.
«سىزدەردى ءبىلىم كۇنىمەن شىن جۇرەكتەن قۇتتىقتايمىن! بۇگىن جاڭا وقۋ جىلىنىڭ العاشقى قوڭىراۋى سوعىلدى، ول ءبىلىم الەمىنە جانە جاڭالىقتارعا ونەر الەمىنە جانە ناقتى عىلىمدارعا ەسىك اشتى! بيىلعى جىلى مەكتەپ پارتالارىنا 307 مىڭنان استام بالا وتىرادى. جاڭا وقۋ جىلى بارىنە قىزىقتى ءارى جەمىستى بولسىن، جاڭا جەتىستىكتەرگە قۋانىش اكەلسىن!» - دەپ اتاپ ءوتتى اسەم ءنۇسىپوۆا.
جاڭا مەكتەپ 600 ورىندى جانە بارلىق زاماناۋي تالاپتارعا ساي. وندا ەرەكشە ءبىلىم بەرۋ قاجەتتىلىكتەرى بار بالالار ءۇشىن ينكليۋزيۆتى كەدەرگىسىز ورتا، بالالار شىعارماشىلىعىن دامىتۋعا ارنالعان ايماقتار، وقۋ داعدىلارى، سيفرلىق تەحنولوگيالاردى يگەرۋ، سونداي-اق باستاۋىش جانە ورتا مەكتەپ سىنىپتارى ءۇشىن بولەك بلوكتار قاراستىرىلعان.
«ءبىز مەكتەپتىڭ اشىلۋىن اسىعا كۇتتىك. كىتاپحانا مەن وقۋ كابينەتتەرى زاماناۋي وقۋ جابدىقتارىمەن جابدىقتالعان. سونداي-اق، بالالاردىڭ دەمالۋىنا ارنالعان كوۆوركينگ ايماقتار، ءار بالاعا ارنالعان جەكە شكافتار قاراستىرىلعان. مەكتەپ جاس ۇرپاققا جان-جاقتى ءبىلىم الۋعا جاڭا مۇمكىندىكتەر اشادى. №97 مەكتەپ بىرنەشە جىلدان بەرى جۇمىس ىستەيدى. مەنىڭ ۇلكەن ۇلىم بءىرىنشى سىنىپتان باستاپ وسىندا وقيدى، 11-سىنىپتى بىتىرەدى، ال بيىل كىشى ۇلىم التىنشى سىنىپقا كوشتى. مەنىڭ بالالارىم مەكتەپكە ۇلكەن قۋانىشپەن بارادى، مەكتەپتەگى ءىس-شارالارعا بەلسەندى قاتىسادى!» - دەدى وقۋشى اناسى وكسانا قىستاۋبايەۆا.
بيىل 338 مەكتەپ وقۋشىلارعا ەسىگىن ايقارا اشتى، ونىڭ ىشىندە 216 مەملەكەتتىك جانە 122 جەكەمەنشىك مەكتەپ.
«جايلى مەكتەپ» ۇلتتىق جوباسىن ىسكە اسىرۋ اياسىندا الماتى اكىمدىگىنىڭ جوبالىق ءوفيسىنىڭ قولداۋىمەن 36،8 مىڭ وقۋشىعا ارنالعان 22 مەكتەپتىڭ قۇرىلىسى جۇرگىزىلۋدە. 2024 جىلدىڭ سوڭىنا دەيىن 32،8 مىڭ ورىندىق 20 مەكتەپتى پايدالانۋعا بەرۋ جوسپارلانۋدا. 2025 جىلى تاعى 4 مىڭ ورىندىق ەكى مەكتەپتىڭ ىسكە قوسىلادى.