الماتىنىڭ ورتالىق قالالىق كلينيكالىق اۋرۋحاناسىندا العاش رەت OLIF (Oblique Lumbar Interbody Fusion) ادىستەمەسى بويىنشا العاشقى وپەراسيالار ورىندالدى.
بۇل يننوۆاسيالىقيۋ ەڭ از ءينۆازيۆتى ءتاسىل ومىرتقا اۋرۋلارىن ەمدەۋدە جاڭا مۇمكىندىكتەر اشتى، دەپ حابارلايدى aqshamnews.kz دەنساۋلىق ساقتاۋ مينيسترلىگىنە سىلتەمە جاساپ.
OLIF نەمەسە «قيعاش بەل دەنەارالىق فيكساسيا» ومىرتقاارالىق ديسكىلەردى قالپىنا كەلتىرۋ جانە كەلەسى پاتولوگيالاردا ومىرتقانى تۇراقتاندىرۋ ءۇشىن قولدانىلادى: ومىرتقانىڭ دەگەنەراتيۆتى وزگەرىستەرى، ومىرتقاارالىق ديسكىلەردڭڭ جارىقتارى، سپونديلوليستەز، سكوليوز جانە كيفوز.
ارالاسۋدىڭ جاراقاتتانۋىن ەداۋىر تومەندەتۋگە، قالپىنا كەلتىرۋ پروسەسىن جەدەلدەتۋگە جانە وڭالتۋ كەزەڭىن ازايتۋعا مۇمكىندىك بەرەدى.
وپەراسيالاردى قازاقستاننىڭ جەتەكشى نەيروحيرۋرگتارى: تالعات كەرىمبايەۆ، ۇلتتىق نەيروحيرۋرگيا عىلىمي ورتالىعىنىڭ (ۇنعو) جۇلىن نەيروحيرۋرگياسى بولىمشەسىنىڭ مەڭگەرۋشىسى، ق ر دەنساۋلىق ساقتاۋ مينيسترلىگىنىڭ باس جۇلىن نەيروحيرۋرگى جانە الماتى ورتالىق قالالىق كلينيكالىق اۋرۋحاناسىنىڭ نەيروحيرۋرگيا بولىمشەسىنىڭ مەڭگەرۋشىسى مارات الماتوۆ جۇرگىزدى.
«OLIF بۇلشىقەتتەر مەن بايلامداردى ساقتاي وتىرىپ، كىشكەنە كەسۋ ارقىلى وپەراسيا جاساۋعا مۇمكىندىك بەرەدى. بۇل قان جوعالتۋدى ايتارلىقتاي ازايتادى، اسقىنۋ ءقاۋپىن تومەندەتەدى جانە پاسيەنتتىڭ كەلەسى كۇنى بەلسەندى بولۋىنا مۇمكىندىك بەرەدى. مىسالى، ءبىز ماستەر-كلاستىڭ شەڭبەرىندە ءبىز L4-L5 دەڭگەيىندە بەل تۇراقسىزدىعى بار پاسيەنتتەردە ومىرتقاارالىق ديسكىنى اۋىستىرۋ وپەراسيالارىن جاسادىق. ورناتىلعان يمپلانتاتتار ومىرتقانى تۇراقتاندىرىپ قانا قويمايدى، سونىمەن قاتار فيزيولوگيالىق تۇرعىدان دۇرىس ورنالاسۋدى قامتاماسىز ەتەدى.
مۇنداي ادىستەر پاسيەنتتەرگە ۇيرەنشىكتى ومىرگە تەزىرەك ورالۋعا كومەكتەسەدى»، - دەپ اتاپ ءوتتى تالعات كەرىمبايەۆ.
سونىمەن قاتار، حيرۋرگيالىق ميكروسكوپ پەن ارنايى جابدىقتى قولدانا وتىرىپ، جۇلىن ىسىكتەرىن جويۋ ءۇشىن ءۇش وپەراسيا جاسالدى.
الماتىنىڭ ورتالىق قالالىق كلينيكالىق اۋرۋحاناسى جوعارى تەحنولوگيالىق مەديسينالىق كومەكتىڭ باعىتتارىن دامىتۋدى جالعاستىرىپ، ونى الماتىنىڭ جانە قازاقستاننىڭ باسقا وڭىرلەرىنىڭ تۇرعىندارى ءۇشىن قولجەتىمدى ەتەدى.