الماتىدا العاش رەت جاستار تەاترلارىنىڭ فەستيۆالى باستالدى

بايقاۋعا 35 جاسقا دەيىنگى 8 رەجيسسەردىڭ قويىلىمى قاتىسادى.

اتاپ ايتقاندا، گۇلناز بالپەيىسوۆا، مەيرام حابيبۋللين، انتون زايسيەۆ، الىبەك ومىربەك ۇلى ب ا ق سىنايدى. شاعۋان ۇمبەتقالييەۆ، اننا سوي، ءاريداش وسپانبايەۆا مەن شىڭعىس جاقىپبايدا باس جۇلدەدەن ءۇمىتتى، دەپ حابارلايدى Almaty-akshamy.kz 24.kz-كە سىلتەمە جاساپ.

ءىس-شارا عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا ءوتىپ جاتىر. اشىلۋ سالتاناتىنان كەيىن كورەرمەن نازارىنا فەستيۆالدەن تىس، رەجيسسەر فارحات ءمولداعاليدىڭ «قۇلاگەر» قويىلىمى ۇسىنىلدى. جارىستىڭ ماقساتى جاس مامانداردىڭ شەبەرلىگىن شىڭداپ، شىعارماشىلىق تاجىريبە الماسۋ. جەڭىمپازدار التىنشى قاراشادا انىقتالادى.

«قازىرگى جاستاردىڭ قولتاڭباسى مۇلدەم بولەك. بولەك دەگەندە بۇلاردىڭ نەگىزگى رەجيسسەرلىك شەشىمدەرىنىڭ اۋقىمى وتە كەڭ. ويتكەنى ءقازىر ءبىز ينتەرنەت ارقىلى ءبىز بۇكىل الەمدى كورىپ وتىرمىز. بۇرىن شەكتەۋلى عانا وسى رەسپۋبليكالاردىڭ، كەڭەستىك ءداۋىردىڭ توڭىرەگىندەگى دۇنيەلەردى كورىپ جۇرەتىن بولساق، ءقازىر الەمدى كورىپ وتىرمىز»، - دەيدى رەجيسسەر مۇرات احمانوۆ.