قالالىق كاسىپكەرلىك جانە ينۆەستيسيالار باسقارماسىنىڭ مالىمەتىنشە، 2023 جىلدىڭ 9 ايىندا الەۋمەتتىك ماڭىزى بار ازىق-تۇلىك تاۋارلارىنىڭ باعاسى تومەندەدى: قاراقۇمىق جارماسى (41،7%)، كۇنباعىس مايى (24،1%)، قانت (12،1%)، كارتوپ (8،9%)، پياز (4،5%)، ۇن (2%).
ازىق-تۇلىك قاۋىپسىزدىگىن قامتاماسىز ەتۋ ماقساتىندا قالادا «فورۆاردتىق ساتىپ الۋ» بويىنشا كوكونىستەر، جۇمىرتقا، سيىر ەتى جانە الەۋمەتتىك نان جەتكىزۋ تۋرالى كەلىسىمشارتقا قول قويىلدى.، دەپ حابارلايدى Almaty-akshamy.kz.
بيىل 1 قىركۇيەكتەن باستاپ «ماگنۋم» ساۋدا جەلىسىندە وسى كوكتەمدە الماتى، قاراعاندى جانە پاۆلودار وبلىستارىنىڭ فەرمەرلەرىنەن ساتىپ الىنعان 20 مىڭ توننا كوكونىس ساتىلادى. بۇعان قوسا، الماتى، تۇركىستان، جامبىل، پاۆلودار، قاراعاندى وبلىستارىنىڭ تاۋار وندىرۋشىلەرىمەن ازىق-تۇلىك تاۋارلارىن تىكەلەي جەتكىزۋ بويىنشا مەموراندۋمدار مەن كەلىسىمدەرگە قول قويىلدى. مىسالى، جامبىل وبلىسىنىڭ فەرمەرلەرىمەن 1 مىڭ توننا پياز جەتكىزۋ بويىنشا مەموراندۋمعا قول قويىلدى.
«ازىق-تۇلىك كورپوراسياسى» ۇك» اق قورلارىنان نان باعاسىن تۇراقتاندىرۋ ءۇشىن قالانىڭ نەگىزگى ۇن تارتۋ كاسىپورىندارىنا 9،4 مىڭ توننا استىق جەتكىزۋ پىسىقتالدى.
قالانىڭ ساۋدا جەلىلەرىندە بەلگىلەنگەن، تومەندەتىلگەن باعامەن «كوكسۋ قانت زاۋىتىندا» ساتىپ الىنعان 3 مىڭ توننا قانت جانە قىزىلوردا وبلىسىنان وندىرۋشىلەردەن ساتىپ الىنعان 1 مىڭ توننا كۇرىش ساتىلادى.