پوليسياعا ارىزبەن 9 ادام جۇگىنگەن
كۇدىكتى ءوزىن تابىستى ونەر ادامى، پروديۋسەر، سەناريست رەتىندە كورسەتكەن. ءوزىن Instagram پاراقشاسىنداعى 90 مىڭ اۋديتورياعا وسىلاي تانىستىرعان ەر ادامدى پوليسەيلەر الاياقتىق كۇدىگىمەن ۇستادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
پوليسيا 31 جاستاعى ازامات الماتىلىقتارعا اقش-قا ۆيزا الىپ بەرۋگە ۋادە ەتكەنىن ناقتىلايدى.
Instagram پاراقشاسىنداعى 90 مىڭ اۋديتورياعا 31 جاستاعى ك. ەسىمدى ازامات كوركەمدىك قىزمەتىمەن قاتار، اقش-قا ۆيزا “راسىمدەۋمەن” اينالىساتىنىن جەتكىزگەن.
الدىن الا مالىمەتكە سۇيەنسەك، ول الەۋەتتى تۇتىنۋشىلاردان الدىن الا تولەم الىپ، كەيىن بايلانىسقا شىعۋىن توقتاتقان.
"پوليسياعا ارىزبەن 9 ادام جۇگىنگەن. ولار ق ر قك-نىڭ 190-بابى 3-بولىگىمەن تىركەلىپ، ءبىر وندىرىسكە بىرىكتىرىلدى"، – دەدى اۋەزوۆ اۋداندىق پب-عا قاراستى پوليسيا ءبولىمى باستىعىنىڭ ورىنباسارى تيمۋر مۋلينوۆ.
پوليسيا قىزمەتكەرلەرى الدانعان ادامداردىڭ كوبىرەك بولۋى مۇمكىن ەكەنىن جوققا شىعارمايدى. تەرگەۋشىلەر ىقتيمال باسقا ەپيزودتاردى انىقتاۋمەن اينالىسۋدا. ق ر كونستيتۋسياسىنىڭ تالاپتارىنا جانە ق ر قپك-نىڭ 201-بابىنا سايكەس، قىلمىستىق ءىس بويىنشا وزگە دە مالىمەتتەر جاريا ەتۋگە جاتپايدى.